ಬ್ರಿಟನ್ ಮಿಲಿಟರಿಯಲ್ಲಿ ಸೆಕ್ಸ್ ಕಿರುಕುಳ: ಫೋಟೋ ಬಯಲಿಗಿಟ್ಟ ದಿಟ್ಟ ಮಹಿಳೆ

ಬ್ರಿಟನ್ ಮಿಲಿಟರಿಯಲ್ಲೂ ಲೈಂಗಿಕ ಕಿರುಕುಳದಂತಹ ಸಮಸ್ಯೆ ಇದೆಯಾ..? ಹೌದು ಎನ್ನುತ್ತಿವೆ ಇತ್ತೀಚೆಗೆ ಮಾಜಿ ಮಹಿಳಾ ಅಧಿಕಾರಿಯೊಬ್ಬರು ಬಿಚ್ಚಿಟ್ಟಿರುವ ಶಾಕಿಂಗ್ ಫೋಟೋಗಳು. ಈ ಫೋಟೋದಲ್ಲಿ ಆರ್`ಎಎಫ್`ಗೆ ಸೇರಿದ ಯುವತಿಯನ್ನ ಬೆತ್ತಲಾದ ಯೋಧರು ಟಾಸ್ ಮಾಡುತ್ತಾ.. ಅವಳ ಅಂಗಾಂಗದ ಬಗ್ಗೆ ಕಾಮೆಂಟ್ ಮಾಡುತ್ತಾ ಲೈಂಗಿಕವಾಗಿ ಕಿರುಕುಳ ನೀಡಿರುವುದು ಸಾಬೀತಾಗಿದೆ.

2001ರಲ್ಲಿ ಸೇನೆ ಸೇರಿದಾಗ 28 ಪುರುಷ ಯೋಧರಿದ್ದ ಬೆಟಾಲಿಯನ್`ನಲ್ಲಿದ್ದ ಏಕೈಕ ಮಹಿಳೆ ಮಿಸ್ ರೆಬೆಕ್ಕಾ ಕ್ರೂಕ್ ಶಾಂಕ್ ಅಂದು ತನ್ನ ಮೇಲಾದ ಲೈಂಗಿಕ ಕಿರುಕುಳದ ಫೋಟೋಗಳನ್ನ ಹೊರಗಿಟ್ಟಿದ್ದಾಳೆ.  ಮೌಂಟ್ ಅಲೀಸ್`ನ ಆರ್`ಎಎಫ್ ಮಿಲಿಟರಿಗೆ ಸೇರಲು ಬಂದಾಗ ಅಲ್ಲಿನ ಪುರುಷ ಯೋಧರು ಬೆತ್ತಲಾಗಿ ಸುತ್ತುವರೆದು ನಡೆದುಕೊಂಡಿದ್ದ ಅಶ್ಲೀಲ ಫೋಟೊಗಳನ್ನ ರಿಲೀಸ್ ಮಾಡಿದ್ದಾರೆ. ಈ ಮೂಲಕ ಮಿಲಿಟರಿಯ ಲೈಂಗಿಕ ಕಿರುಕುಳದ ಕರಾಳ ಸತ್ಯವನ್ನ ಬಿಚ್ಚಿಟ್ಟಿದ್ದಾರೆ. ಇದಾದ ಬಳಿಕ ಆಕೆಯ ಬೆಡ್ ರೂಮ್`ಗೆ ಬಂದಿದ್ದ ಅಧಿಕಾರಿ ಈ ಘಟನೆಗಳನ್ನ ಬಹಿರಂಗಪಡಿಸದಿದ್ದರೆ ಒಳ್ಳೆಯ ಹುದ್ದೆ ಕೊಡುವುದಾಗಿ ಒಡ್ಡಿದ್ದನಂತೆ.

ಈಗ 35 ವರ್ಷದವಳಾಗಿರುವ ಕ್ರೂಕ್ ಸಾಂಕ್ ಈ ಬಗ್ಗೆ ಖಾರವಾಗಿ ಪ್ರತಿಕ್ರಿಯಿಸಿರುವ ಕ್ರೂಕ್ ಶಾಂಕ್, ಸಮಾನತೆ ಇರಬೇಕಾದಲ್ಲೇ ಅಸಮಾನತೆ ಕಾಡುತ್ತಿದೆ. ಲೈಂಗಿಕ ಕಿರುಕುಳವನ್ನ ನಾನು ಸಹಿಸುವುದಿಲ್ಲ. ಈ ಪ್ರಕರಣ ನನ್ನ ಜೀವನದ ಮೇಲೆ ಅತ್ಯಂತ ಪ್ರಭಾವ ಬೀರಿದೆ ಎಂದು ಹೇಳಿದ್ಧಾರೆ. ಸದ್ಯ, ನಟಿ ಕಮ್ ಲೇಖಕಿಯಾಗಿರುವ ಕ್ರೂಕ್ ಶಾಂಕ್ ಮಿಲಿಟರಿ ಕರ್ಮಕಾಂಡವನ್ನ ಎಳೆಎಳೆಯಾಗಿ ಬಿಚ್ಚಿಟ್ಟಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ