ಸೌದಿ ಅರೇಬಿಯಾಕ್ಕೆ ಪ್ರವಾಸಕ್ಕೆ ಹೋಗುವವರು ತಿಳಿದಿರಲೇಬೇಕು ಈ ವಿಚಾರ

ರಿಯಾದ್ : ಸೌದಿ ಅರೇಬಿಯಾದಲ್ಲಿ ಪ್ರವಾಸಿಗರು ಬಿಗಿಯಾದ ಉಡುಪು ಧರಿಸಿದರೆ ಮತ್ತು ಸಾರ್ವಜನಿಕವಾಗಿ ಮುತ್ತುಕೊಟ್ಟರೆ ದುಬಾರಿ ದಂಡ ವಿಧಿಸಲಾಗುತ್ತದೆ ಎಂಬ ಹೊಸ ಕಾನೂನೊಂದನ್ನು ಜಾರಿಗೆ ತಂದಿದೆ.

ಸೌದಿ ಅರೇಬಿಯಾ ಸರ್ಕಾರ ಪ್ರವಾಸಿಗರ ವೀಸಾಗೆ ಅನುಮತಿ ನೀಡಿತ್ತು. ಇದೀಗ ಅದರ ಜೊತೆ ಸಾರ್ವಜನಿಕ ಸಭ್ಯತಾ ನಿಯಮದಡಿಯಲ್ಲಿ ಸೌದಿಯಲ್ಲಿನ ಮಹಿಳೆಯರು, ಪ್ರವಾಸಿಗರು ಬಿಗಿಯಾದ ಉಡುಪು ಧರಿಸಿದರೆ ಮತ್ತು ಸಾರ್ವಜನಿಕವಾಗಿ ಮುತ್ತುಕೊಟ್ಟರೆ ದಂಡ ವಿಧಿಸಲು ನಿರ್ಧರಿಸಲಾಗಿದೆ.

ಪ್ರವಾಸಿಗರಿಗೆ ನಮ್ಮ ದೇಶದ ಕಾನೂನಿನ ಕುರಿತು ಅರಿವಿರಬೇಕು ಎಂಬ ಕಾರಣಕ್ಕೇ ಈ ನಿಯಮ ಜಾರಿಗೆ ತರಲಾಗಿದೆ ಎಂದು ಸೌದಿ ಅಧಿಕಾರಿಗಳು ಹೇಳಿದ್ದಾರೆ.ಆದ್ದರಿಂದ ಸೌದಿ ಅರೇಬಿಯಾಕ್ಕೆ ಪ್ರವಾಸಕ್ಕೆ ಹೋಗುವವರು ಎಚ್ಚರದಿಂದಿರಿ.