ಬರ್ತ್ ಟೂರಿಸಂಗೆ ಬ್ರೇಕ್ ಹಾಕಲು ಟ್ರಂಪ್ ಸರ್ಕಾರ ನಿರ್ಧಾರ

ವಾಷಿಂಗ್ಟನ್ : ಬರ್ತ್ ಟೂರಿಸಂಗೆ ಬ್ರೇಕ್ ಹಾಕಲು  ಟ್ರಂಪ್ ಸರ್ಕಾರ ನಿರ್ಧಾರ ಮಾಡಿದ್ದು, ಅದಕ್ಕಾಗಿ ಅಮೇರಿಕಾಕ್ಕೆ ಪ್ರಯಾಣ ಬೆಳೆಸುವ ಗರ್ಭಿಣಿಯರಗೆ ವೀಸಾ ನಿರಾಕರಿಸಲು ತೀರ್ಮಾನಿಸಿದ್ದಾರೆ ಎನ್ನಲಾಗಿದೆ.

ಅಮೇರಿಕಾದಲ್ಲಿ ಜನಿಸಿದವರಿಗೆ ಆ ದೇಶದ ಪೌರತ್ವ ಸಿಗುತ್ತದೆ ಎಂದು ಅಲ್ಲಿನ ಸಂವಿಧಾನ  ಹೇಳುತ್ತದೆ. ಆದಕಾರಣ ಕೆಲವು ವಿದೇಶಿಗರು ಪ್ರವಾಸಕ್ಕೆಂದು ಅತಿಥಿ ವೀಸಾ ಪಡೆದು ಅಮೇರಿಕಾಕ್ಕೆ ಬಂದು ಅಲ್ಲಿ ಹೆರಿಗೆ ಮಾಡಿಸಿಕೊಂಡು ಮಕ್ಕಳಿಗೆ ಪೌರತ್ವ ದೊರಕಿಸಿಕೊಡುತ್ತಿದ್ದಾರೆ.

ಇದರಿಂದ ಅಮೇರಿಕಾ ರಾಷ್ಟ್ರಕ್ಕೆ ಹೊರೆಯಾಗುತ್ತಿದ್ದ ಹಿನ್ನಲೆಯಲ್ಲಿ ಹೆರಿಗೆಗಾಗಿ ಅಮೇರಿಕಾಕ್ಕೆ ಬರುವವರಿಗೆ ವೀಸಾ ನಿರಾಕರಿಸಲು ಅಧಿಕಾರಿಗಳಿಗೆ ಅಮೇರಿಕಾ ಸರ್ಕಾರ ಸೂಚಿಸಿದೆ. ಅಲ್ಲದೇ ಅಮೇರಿಕಾದಲ್ಲಿ ಗರ್ಭಿಣಿಯರಿಗೆ ಹೆರಿಗೆ ಮಾಡಿಸಿಕೊಡುವ ದಂಧೆ ಇದ್ದು, ಅವರು ಗರ್ಭಿಣಿಯರಿಂದ ಲಕ್ಷಗಟ್ಟಲೆ ಡಾಲರ್ ಪಡೆಯುತ್ತಿದ್ದಾರೆ ಎಂದು ವಿದೇಶಾಂಗ ಇಲಾಖೆ ಮಾಹಿತಿ ನೀಡಿದೆ.