ದುಬೈ: ಈಗಷ್ಟೇ ಜಯದ ಹಾದಿ ಕಂಡುಕೊಳ್ಳುತ್ತಿರುವ ಸನ್ ರೈಸರ್ಸ್ ಹೈದರಾಬಾದ್ ಗೆ ಐಪಿಎಲ್ ನಲ್ಲಿ ದೊಡ್ಡ ಶಾಕ್ ಕಾದಿದೆ. ಪ್ರಮುಖ ವೇಗಿ ಭುವನೇಶ್ವರ್ ಕುಮಾರ್ ಗಾಯದಿಂದಾಗಿ ಕೂಟದಿಂದಲೇ ಹೊರಬಿದ್ದಿದ್ದಾರೆ.
ಸೊಂಟ ನೋವಿಗೊಳಗಾಗಿರುವ ಭುವಿ ಚೆನ್ನೈ ವಿರುದ್ಧದ ಪಂದ್ಯದಲ್ಲೇ ಅರ್ಧಕ್ಕೇ ಆಟ ನಿಲ್ಲಿಸಿದ್ದರು. ಈಗ ಅವರ ನೋವು ಗಂಭೀರವಾಗಿದ್ದು, ಐಪಿಎಲ್ ನಿಂದಲೇ ಹೊರಬರಬೇಕಾದ ಪರಿಸ್ಥಿತಿ ಬಂದಿದೆ. ಇದು ಹೈದರಾಬಾದ್ ತಂಡಕ್ಕೆ ದೊಡ್ಡ ಹೊಡೆತ ನೀಡಲಿದೆ. ಅನುಭವಿ ಬೌಲರ್ ಆಗಿದ್ದ ಭುವಿ ಇತರ ಬೌಲರ್ ಗಳಿಗೂ ಮಾರ್ಗದರ್ಶನ ನೀಡುತ್ತಿದ್ದರು. ಅವರ ಅನುಪಸ್ಥಿತಿ ತಂಡಕ್ಕೆ ದೊಡ್ಡ ಹೊಡೆತ ನೀಡಲಿದೆ ಎಂದು ಹೈದರಾಬಾದ್ ಪ್ರಕಟಣೆಯಲ್ಲಿ ಹೇಳಿದೆ.
