ಬಿ.ಎಸ್.ಎನ್.ಎಲ್ ಬಿಡುಗಡೆ ಮಾಡಿದೆ 96 ರೂ. ಹೊಸ ಪ್ರೀಪೇಯ್ಡ್ ಪ್ಲ್ಯಾನ್
ಶುಕ್ರವಾರ, 19 ಜುಲೈ 2019 (07:02 IST)
ನವದೆಹಲಿ : ಟೆಲಿಕಾಂ ವಲಯದಲ್ಲಿ ಖಾಸಗಿ ಟೆಲಿಕಾಂ ಕಂಪೆನಿಗಳಿಗೆ ಟಕ್ಕರ್ ನೀಡಲು ಸರ್ಕಾರಿ ಸ್ವಾಮ್ಯದ ಬಿ.ಎಸ್.ಎನ್.ಎಲ್ ಇದೀಗ ವಸಂತಂ ಗೋಲ್ಡ್ ಪಿವಿ 96 ಎಂಬ ಹೆಸರಿನ ಹೊಸ ಪ್ರೀಪೇಯ್ಡ್ ಯೋಜನೆಯನ್ನು ಬಿಡುಗಡೆ ಮಾಡಿದೆ.
ಬಿ.ಎಸ್.ಎನ್.ಎಲ್ ನ ಈ ಯೋಜನೆಯಲ್ಲಿ ಗ್ರಾಹಕರು 96 ರೂ ರಿಚಾರ್ಜ್ ಮಾಡಿದರೆ ಮುಂಬಯಿ ಮತ್ತು ದಿಲ್ಲಿ ಸರ್ಕಲ್‌ಗಳಿಗೆ ಹೊರತುಪಡಿಸಿ, ಬೇರೆಲ್ಲಿಗೂ ಅನಿಯಮಿತ ಕರೆ ಮಾಡಬಹುದು. ಇದಲ್ಲದೆ 100 ಉಚಿತ ಎಸ್.ಎಂ.ಎಸ್ ಗಳನ್ನು ಕಳುಹಿಸಬಹುದು. ಆದರೆ ಇದರಿಲ್ಲಿ ಡೇಟಾ ಸೌಲಭ್ಯವಿಲ್ಲ. ಈ ಪ್ರೀಪೇಯ್ಡ್ ಯೋಜನೆಯ ಅವಧಿ 180 ದಿನಗಳು.
ಆದರೆ ಈ ಉಚಿತ ಸೌಲಭ್ಯ ಕೇವಲ 21 ದಿನಗಳ ಕಾಲ ಮಾತ್ರ ಲಭ್ಯ. ಈ ಕೊಡುಗೆ ಘೋಷಣೆಯಾಗಿ ಈಗಾಗಲೇ 12 ದಿನ ಕಳೆದಿದೆ. ಸದ್ಯಕ್ಕೆ ಈ ಪ್ಲ್ಯಾನ್ ಚೆನ್ನೈ ಹಾಗೂ ತಮಿಳುನಾಡುಗಳಲ್ಲಿ ಮಾತ್ರ ಲಭ್ಯವಿದ್ದು, ಬೇರೆ ಕಡೆ ಲಭ್ಯವಾಗುವುದಿಲ್ಲ ಎನ್ನಲಾಗಿದೆ.
