ಆಭರಣ ತಯಾರಿಕೆದಾರರಿಂದ, ವ್ಯಾಪಾರಸ್ಥರಿಂದ ಖರೀದಿ ಕಡಿಮೆಯಾಗಿರುವುದು, ಭವಿಷ್ಯ ವಹಿವಾಟಿನಲ್ಲಿ ಕಡಿಮೆ ದರ ನಿಗದಿಯಾಗಿವುದು ಹಳದಿ ಲೋಹದ ಬೆಲೆ ಇಳಿಕೆಗೆ ಕಾರಣ ಎಂದು ಚಿನಿವಾರಪೇಟೆ ಮೂಲಗಳು ತಿಳಿಸಿವೆ. ಇನ್ನೊಂದು ಕಡೆ ಬೆಳ್ಳಿಯ ಬೆಲೆಯೂ ಕಡಿಮೆಯಾಗಿದೆ. ಒಂದು ಕೆ.ಜಿ ಬೆಳ್ಳಿ ರೂ.210 ಕಡಿಮೆಯಾಗಿ ರೂ.38,600ರಷ್ಟಾಗಿದೆ.
ಉದ್ಯಮಗಳು, ನಾಣ್ಯ ತಯಾರಕರಿಂದ ಖರೀದಿ ಕಡಿಮೆಯಾಗಿರುವುದು ಬೆಳ್ಳಿ ಬೆಲೆ ಇಳಿತಕ್ಕೆ ಕಾರಣ ಎನ್ನಲಾಗಿದೆ. ಇದಿಷ್ಟೇ ಅಲ್ಲದೆ ನಗದು ಕೊರತೆಯಿಂದಲೂ ಬಂಗಾರ, ಬೆಳ್ಳಿ ಬೆಲೆಗಳಲ್ಲಿ ಇಳಿತಕ್ಕೆ ಕಾರಣ ಎಂದು ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.
