ಸಾಮಾನ್ಯವಾಗಿ 3000 ಎಂಎಎಚ್ ಬ್ಯಾಟರಿ ಸಾಮರ್ಥ್ಯದ ಫೋನ್ ಸಂಪೂರ್ಣ ಚಾರ್ಜ್ ಮಾಡಬೇಕಾದರೆ ಎಷ್ಟು ಸಮಯ ಹಿಡಿಸುತ್ತದೆ? ಸುಮಾರು 2 ಗಂಟೆ ಆಗಬಹುದು. ಸೂಕ್ತ ಚಾರ್ಜರ್‌ನೊಂದಿಗೆ, ವೇಗವಾಗಿ ಚಾರ್ಚ್ ಮಾಡಬಹುದಾದ ಫೀಚರ್‌ವುಳ್ಳ ಸ್ಮಾರ್ಟ್‌ಫೋನನ್ನು ತರುತ್ತಿವೆ ಕಂಪೆನಿಗಳು.
ಸೂಪರ್ ಎಂ ಚಾರ್ಜ್ ಹೆಸರಿನ ಈ ಫೋನ್ ಐಫೋನ್ 7 ಪ್ಲಸ್‌ಗಿಂತಲೂ 11 ಪಟ್ಟು, ಸ್ಯಾಂಸಂಗ್ ಗ್ಯಾಲಕ್ಸಿ ಎಸ್ 7 ಎಡ್ಜ್‌ಗಿಂತಲೂ 3.6 ಪಟ್ಟು ವೇಗವಾಗಿ ಚಾರ್ಜ್ ಆಗುತ್ತದೆ. ಶೇ.30ರಷ್ಟು ಚಾರ್ಜ್ ಆಗಲು ಈ ಫೋನ್ ತೆಗೆದುಕೊಳ್ಳುವ ಸಮಯ ಕೇವಲ 5 ನಿಮಿಷ. ಸೂಪರ್ ಎಂ ಚಾರ್ಜರ್‌ಗೆ ಹೊಸ ತಂತ್ರಜ್ಞಾನ ಬಳಸಿರುವುದಾಗಿ ಕಂಪೆನಿ ತಿಳಿಸಿದೆ. 2,500 ಎಂಎಎಚ್ ಬ್ಯಾಟರಿ ಕೇವಲ 15 ನಿಮಿಷಗಳಲ್ಲಿ ಸಂಪೂರ್ಣ ಚಾರ್ಜ್ ಆಗುತ್ತದೆ ಎಂದು ತಿಳಿಸಿದೆ.
