ಐಫೋನ್ ಎಂದರೇನೇ ದುಬಾರಿ. ಅವುಗಳನ್ನು ಕೊಳ್ಳಬೇಕಾದರೆ ಹೆಚ್ಚಿಗೆ ದುಡ್ಡು ಬಿಚ್ಚಲೇಬೇಕು. ಆದರೆ ಬ್ರೆಜಿಲ್, ಭಾರತ, ಸ್ವೀಡನ್, ಡೆನ್ಮಾರ್ಕ್ ಅಥವಾ ಇಟಲಿ ದೇಶಗಳಿಗೆ ಪ್ರವಾಸ ಹೊರಟಿದ್ದರೆ ಐಫೋನನ್ನು ಕಳೆದುಕೊಳ್ಳಬೇಡಿ ಎಂದು ಡ್ಯುಯಿಸ್ ಬ್ಯಾಂಕ್ ಹೇಳುತ್ತಿದೆ.
ಕಾರಣ ಈ ದೇಶಗಳಲ್ಲಿ ಐಫೋನ್ ಬೆಲೆ ತುಂಬಾ ದುಬಾರಿ. ಒಂದು ವೇಳೆ ಈ ದೇಶಗಳಲ್ಲಿ ಐಫೋನ್ ಕಳೆದುಕೊಂಡರೆ ಇನ್ನೊಂದು ತಗೋಬೇಕು ಅಂದ್ರೆ ಹೆಚ್ಚಿನ ಹಣ ವ್ಯಯಿಸಬೇಕಾಗುತ್ತದೆ. ಪ್ರತಿವರ್ಷ ಉತ್ಪನ್ನನಗಳ ಬೆಲೆಗಳ ವಾರ್ಷಿಕ ವರದಿಯನ್ನು ಡ್ಯುಯಿಸ್ ಬ್ಯಾಂಕ್ ಬಿಡುಗಡೆ ಮಾಡುತ್ತದೆ. ಬೇರೆಬೇರೆ ದೇಶಗಳ ಬೆಲೆಗಳೊಂದಿಗೆ ತಾಳೆ ಮಾಡಿನೋಡುತ್ತದೆ. ಇದೀಗ ಐಫೋನ್ ಬೆಲೆ ಯಾವಯಾವ ದೇಶದಲ್ಲಿ ಎಷ್ಟೆಷ್ಟು ಬೆಲೆಗೆ ಮಾರಾಟವಾಗುತ್ತಿದೆ ಎಂಬುದನ್ನು ಬಿಡುಗಡೆ ಮಾಡಿದೆ.
