ಬಂಧಿತ ಆರೋಪಿಗಳು ಸೋಶಿಯಲ್ ಟ್ರೇಡ್. ಬಿಜ್‌ ಎನ್ನುವ ವೆಬ್‌ಪೋರ್ಟಲ್ ಸಂಚಾಲಕರಾಗಿದ್ದಾರೆ. ಕಂಪೆನಿಯ ಸದಸ್ಯತ್ವರಾಗಲು ಗ್ರಾಹಕರು 5750 ರೂಪಾಯಿಗಳಿಂದ 57,500 ರೂಪಾಯಿಗಳನ್ನು ಕಂಪೆನಿ ಖಾತೆಗೆ ಜಮೆ ಮಾಡಿದ ನಂತರ ಗ್ರಾಹಕರು ಪ್ರತಿ ಕ್ಲಿಕ್‌ಗೆ 5 ರೂಪಾಯಿಗಳನ್ನು ಪಡೆಯಲು ಅವಕಾಶ ನೀಡಲಾಗಿತ್ತು.
ಪೊಲೀಸರಿಂದ ತಪ್ಪಿಸಿಕೊಳ್ಳಲು ಆರೋಪಿಗಳು ಕಂಪೆನಿಯ ಹೆಸರನ್ನು ಪದೇ ಪದೇ ಬದಲಾಯಿಸುತ್ತಿದ್ದರು. ಸೋಶಿಯಲ್ ಟ್ರೇಡ್. ಬಿಜ್‌ ದಿಂದ ಫ್ರೀಹಬ್ ಡಾಟ್ ಕಾಮ್, ಇಂಟ್‌ಮಾರ್ಟ್ ಡಾಟ್ ಕಾಂ, ಫ್ರೆಂಜಿಪ್ ಡಾಟ್ ಕಾಂ, 3ಡಬ್ಲ್ಯೂ ಡಾಟ್ ಕಾಂ ಸೇರಿದಂತೆ ಹಲವಾರು ಹೆಸರುಗಳನ್ನು ಬಳಸಿಕೊಂಡಿದ್ದಾರೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
