ಉದಯ್ ಕೆ ಮೆಹ್ತಾ ನಿರ್ಮಾಣದ ಈ ಚಿತ್ರದಲ್ಲಿ ಅದಿತಿ ಬ್ರಹ್ಮಚಾರಿಯ ಹೆಂಡತಿಯಾಗಿ ನಟಿಸಿದ್ದಾರೆ. ಫಸ್ಟ್ ನೈಟ್ ಟೀಸರ್. ಟ್ರೇಲರ್ ಮತ್ತು ಹಾಡುಗಳಲ್ಲಿ ಅದಿತಿ ಈಗಾಗಲೇ ಮಿಂಚಿದ್ದಾರೆ. ಅವರ ಪಾತ್ರ ಏನಿರಬಹುದೆಂಬ ಅಂದಾಜು ಸಹ ಪ್ರೇಕ್ಷಕರಿಗೆ ಸಿಕ್ಕಿದೆ. ಆದರೆ ಇಷ್ಟು ಸಮಯದಲ್ಲಿ ಜಾಹೀರಾಗಿರೋದು ಅವರ ಪಾತ್ರದ ಒಂದು ಚಹರೆ ಮಾತ್ರ. ಚಿತ್ರದಲ್ಲಿ ನೀವು ಕಲ್ಪನೆ ಮಾಡಿಕೊಳ್ಳಲಾಗದಂಥಾ ಶೇಡುಗಳಲ್ಲಿ ಅದಿತಿ ಪಾತ್ರ ಮುಂದುವರೆಯುತ್ತದೆ ಮತ್ತದು ಎಲ್ಲ ಪ್ರೇಕ್ಷಕರಿಗೂ ಇಷ್ಟವಾಗುವಂತಿದೆಯಂತೆ. ಖುದ್ದು ಅದಿತಿ ಅವರೇ ಈ ಸಿನಿಮಾದ ಬಗ್ಗೆ ಭರವಸೆ ಹೊಂದಿದ್ದಾರೆ. ಜನ ತನ್ನನ್ನು ಈ ಪಾತ್ರದಲ್ಲಿ ಹೇಗೆ ರಿಸೀವ್ ಮಾಡಿಕೊಳ್ಳುತ್ತಾರೆಂಬ ಬಗ್ಗೆ ಕುತೂಹಲ ಹೊಂದಿದ್ದಾರೆ. ಅದೆಲ್ಲವೂ 29ನೇ ತಾರೀಕು ಅಂದರೆ ಈ ವಾರವೇ ಗೊತ್ತಾಗಲಿದೆ.
