ಬೆಂಗಳೂರು: ನಟ ಅಜೇಯ್ ರಾವ್ ಕೃಷ್ಣನ್ ಲವ್ ಸ್ಟೋರಿ, ಕೃಷ್ಣ ರುಕ್ಕು ಇತ್ಯಾದಿ ಕೃಷ್ಣ ಹೆಸರಿನ ಸಿನಿಮಾ ಟೈಟಲ್ ಗಳ ಮೂಲಕವೇ ಹಿಟ್ ಆದವರು. ಇದೀಗ ಮತ್ತೆ ತಮ್ಮ ಅದೃಷ್ಟದ ಟೈಟಲ್ ನೊಂದಿಗೆ ಸಿನಿಮಾ ಮಾಡಲು ಅಜೇಯ್ ರಾವ್ ಸಿದ್ಧರಾಗಿದ್ದಾರೆ.
ಕೃಷ್ಣ ಟೈಟಲ್ ನ ಎಲ್ಲಾ ಸಿನಿಮಾಗಳಿಗೂ ಅಜೇಯ್ ಗೆ ಯಶಸ್ಸು ತಂದುಕೊಟ್ಟಿದೆ. ಹೀಗಾಗಿ ತಾಯಿಗೆ ತಕ್ಕ ಸಿನಿಮಾ ನಂತರ ಮತ್ತೊಂದು ಯಶಸ್ಸಿಗೆ ಕಾಯುತ್ತಿರುವ ಅಜೇಯ್ ರಾವ್ ಈ ಬಾರಿ ಕೃಷ್ಣ ಟಾಕೀಸ್ ಎಂಬ ಹೊಸ ಸಿನಿಮಾ ಒಪ್ಪಿಕೊಂಡಿದ್ದಾರೆ.
ಈ ಸಿನಿಮಾದಲ್ಲಿ ಅಜೇಯ್ ಗೆ ನಾಯಕಿಯಾಗಿ ಸಿಂಧು ಲೋಕನಾಥ್ ಹಾಗೂ ಅಪೂರ್ವ ಅಭಿನಯಿಸುತ್ತಿದ್ದಾರೆ. ವಿಜಯ್ ಆನಂದ್ ಈ ಚಿತ್ರದ ನಿರ್ದೇಶಕರು.
