ಆಟಕ್ಕುಂಟು ಲೆಕ್ಕಕ್ಕಿಲ್ಲ ಚಿತ್ರದ ಕಥೆಯ ಮೂಲ ಎಳೆ ಇರುವುದೂ ಕೂಡಾ ಅಂಥಾ ಮನೋವ್ಯಾಕುಲದಲ್ಲಿಯೇ. ಸೈಕಾಲಜಿ ಇಂಥಾ ಅನೇಕಾನೇಕ ಕಾಯಿಲೆಗಳ ಬಗ್ಗೆ ಮಾಹಿತಿಗಳನ್ನು ಬಚ್ಚಿಟ್ಟುಕೊಂಡಿದೆ. ಆದರೆ ಅದೇನೇ ಇದ್ದರೂ ಇದರಿಂದಾಗೋ ಅನಾಹುತಗಳನ್ನು ಸಂಪೂರ್ಣವಾಗಿ ತಡಿಯೋದು ಕಷ್ಟ. ಪ್ರತೀ ನಿತ್ಯ ನಮಗೆ ಅಚ್ಚರಿಯಾಗುವಂಥಾ ಭಯಾನಕವಾದ, ವಿಚಿತ್ರವಾದ ಕ್ರೈಂ, ಕೊಲೆಗಳು ನಡೆಯುತ್ತಿರುತ್ತವಲ್ಲಾ? ಅದಕ್ಕೆ ಕಾರಣವಾದ ಪ್ರತಿಯೊಬ್ಬರಿಗೂ ಇಂಥಾ ಮಾನಸಿಕ ಸಮಸ್ಯೆಗಳಿರುತ್ತವೆ. ಅದು ಗೊತ್ತಾಗೋದು ಇಂಥಾ ಕ್ರೈಂಗಳು ನಡೆದಾಗಲೇ.
