ವಾಹನ ಬೆನ್ನಟ್ಟಿ ಬಂದ ಅಭಿಮಾನಿಗೆ ಬೈದ ಡಿ ಬಾಸ್ ದರ್ಶನ್

ಬೆಂಗಳೂರು: ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಎಂದರೆ ಅದೆಷ್ಟೋ ಹುಚ್ಚು ಅಭಿಮಾನಿಗಳಿದ್ದಾರೆ. ಇಂತಹದ್ದೇ ಅಭಿಮಾನಿಗಳು ದರ್ಶನ್ ಚಲಿಸುತ್ತಿದ್ದ ವಾಹನ ಬೆನ್ನಟ್ಟಲು ಹೋಗಿ ಬೈಗುಳ ತಿಂದ ಘಟನೆ ನಡೆದಿದೆ.

ದರ್ಶನ್ ವಾಹನ ಚಲಾಯಿಸುತ್ತಾ ಸಾಗುವಾಗ ಅವರನ್ನು ಗುರುತಿಸಿದ ಅಭಿಮಾನಿಗಳು ಬೈಕ್ ನಲ್ಲಿ ಅವರನ್ನು ಹಿಂಬಾಲಿಸಿ ಡಿ ಬಾಸ್ ಎಂದು ಕೂಗುತ್ತಾ ಬೈಕ್ ಚಲಾಯಿಸುತ್ತಲೇ ವಿಡಿಯೋ ಮಾಡಿದ್ದಾರೆ.

ಇದನ್ನು ಗಮನಿಸಿದ ದರ್ಶನ್ ಆ ಅಭಿಮಾನಿಗಳಿಗೆ ಬೈದು, ಹೀಗೆಲ್ಲಾ ಮಾಡಬೇಡಿ ಎಂದು ಬುದ್ಧಿ ಮಾತು ಹೇಳಿದ್ದಾರೆ. ಈ ಹಿಂದೆಯೂ ಒಮ್ಮೆ ದರ್ಶನ್ ನೇರವಾಗಿ ಈ ರೀತಿ ಮಾಡುವ ಅಭಿಮಾನಿಗಳಿಗೆ ಕಿವಿ ಮಾತು ಹೇಳಿದ್ದರು. ಇದರಿಂದ ಅಪಘಾತದ ಅಪಾಯವಿದೆ. ನನ್ನ ಮೇಲಿನ ಅಭಿಮಾನಕ್ಕೆ ಈ ರೀತಿ ಅಪಾಯ ತಂದುಕೊಳ್ಳುವ ಮುನ್ನ ನಿಮ್ಮ ಕುಟುಂಬದವರ ಬಗ್ಗೆ ಯೋಚಿಸಿ ಎಂದು ದರ್ಶನ್ ಹೇಳಿದ್ದರು. ಹಾಗಿದ್ದರೂ ಕೆಲವು ಹುಚ್ಚು ಅಭಿಮಾನಿಗಳು ತಮ್ಮ ಖಯಾಲಿ ಬಿಟ್ಟಿಲ್ಲ.