ಸ್ಯಾಂಡಲ್ ವುಡ್ ನ ಹಾಟ್ ಜೋಡಿ ದಿಗಂತ್-ಐಂದ್ರಿತಾ ಮದುವೆ ಇಂದು

ಬೆಂಗಳೂರು: ‘ಮನಸಾರೆ’ ಪ್ರೀತಿಸಿದ ಸ್ಯಾಂಡಲ್ ವುಡ್ ನ ಹಾಟ್ ಜೋಡಿ ದಿಗಂತ್-ಐಂದ್ರಿತಾ ರೇ ಮದುವೆ ಇಂದು ಬೆಂಗಳೂರಿನ ನಂದಿ ಬೆಟ್ಟದ ಸಮೀಪ ರೆಸಾರ್ಟ್ ನಲ್ಲಿ ನಡೆಯಲಿದೆ.

ನಿನ್ನೆಯಿಂದಲೇ ಆಂಡಿ-ದಿಗ್ಗಿ ಮದುವೆಯ ಸಂಭ್ರಮ ಶುರುವಾಗಿತ್ತು. ಅರಿಶಿಣ ಶಾಸ್ತ್ರ, ಸಂಗೀತ್ ಕಾರ್ಯಕ್ರಮಗಳು ನಿನ್ನೆ ನಡೆದಿವೆ. ಇಂದು ಸಂಜೆ ಇಬ್ಬರೂ ಹಸೆಮಣೆ ಏರಲಿದ್ದಾರೆ.

ನಿಸರ್ಗದ ಮಡಿಲಲ್ಲಿ ಸಪ್ತಪದಿ ತುಳಿಯಬೇಕೆಂಬುದು ಈ ಜೋಡಿಯ ಆಸೆ. ಅದೇ ಕಾರಣಕ್ಕೆ ಇವರ ಮದುವೆ ನಂದಿ ಬೆಟ್ಟದ ಸಮೀಪ ರೆಸಾರ್ಟ್ ನಲ್ಲಿ ನಡೆಯುತ್ತಿದೆ. ಈ ಮದುವೆ ಪರಿಸರ ಸ್ನೇಹಿ ಮದುವೆ ಎಂಬುದು ಇನ್ನೊಂದು ವಿಶೇಷ. ಮದುವೆಯಲ್ಲಿ ಪರಿಸರ ಸ್ನೇಹಿ ವಸ್ತುಗಳನ್ನೇ ಬಳಸಲು ದಿಗಂತ್-ಆಂಡಿ ಪ್ಲ್ಯಾನ್ ಮಾಡಿದ್ದಾರೆ. ಇನ್ನು, ಚಿತ್ರರಂಗದ ಗಣ್ಯರು, ಆಪ್ತರಿಗಾಗಿ ಇದೇ ತಿಂಗಳ 15 ರಂದು ಬೆಂಗಳೂರಿನ ಖಾಸಗಿ ಹೋಟೆಲ್ ನಲ್ಲಿ ರಿಸೆಪ್ಷನ್ ಕೂಡಾ ಇದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ