ಪ್ರಧಾನಿ ನರೇಂದ್ರ ಮೋದಿ ಹೊಗಳಿದ್ದಕ್ಕೆ ರಜನೀಕಾಂತ್ ಟೀಕಿಸಿದ ನಿರ್ದೇಶಕ ಆಮೀರ್
ಬುಧವಾರ, 16 ನವೆಂಬರ್ 2016 (15:07 IST)
ಚೆನ್ನೈ: 500, 1000 ನೋಟು ಬದಲಾವಣೆ ವಿಚಾರದಲ್ಲಿ ಪ್ರಧಾನಿ ನರೇಂದ್ರ ಮೋದಿಯನ್ನು ಹೊಗಳಿದ ಸೂಪರ್ ಸ್ಟಾರ್ ರಜನೀಕಾಂತ್ ಅವರನ್ನು ನಿರ್ದೇಶಕ ಆಮೀರ್ ಟೀಕಿಸಿದ್ದಾರೆ.
ನೋಟು ಬದಲಾವಣೆಯಿಂದಾಗಿ ಸಾಮಾನ್ಯ ಜನರಲ್ಲಿ ಗೊಂದಲ ಉಂಟಾಗಿದೆ. ರಜನೀಕಾಂತ್ ಮತ್ತು ಪವನ್ ಕಲ್ಯಾಣ್ ಅವರಂತಹ ಸ್ಟಾರ್ ಗಳ ನೆರವಿನಿಂದಲೇ ಮೋದಿ ಪ್ರಧಾನಿ ಆಗಿದ್ದಾರೆ ಎಂದಿದ್ದಾರೆ. ಅಲ್ಲದೆ ಮೋದಿಯನ್ನು ಬೆಂಬಲಿಸಿದ ರಜನಿ ವಿರುದ್ಧವೂ ಆಮೀರ್ ಕಿಡಿಕಾರಿದ್ದಾರೆ.
ರಜನೀಕಾಂತ್ ತಮ್ಮ ಕಬಾಲಿ ಸಿನಿಮಾದ ಟಿಕೆಟ್ ಎಷ್ಟು ಮೊತ್ತಕ್ಕೆ ಮಾರಾಟವಾಗಿತ್ತು ಎಂದು ಹೇಳಲು ಸಾಧ್ಯವೇ? ಟಿಕೆಟ್ ನ ನಿಜವಾ ಬೆಲೆ ಮತ್ತು ಸಿನಿಮಾದ ಆದಾಯದ ಬಗ್ಗೆ ಶ್ವೇತ ಪತ್ರ ನೀಡಲು ಸಾಧ್ಯವೇ ಎಂದು ಪ್ರಶ್ನಿಸಿದ್ದಾರೆ.
ಇದೇ ವೇಳೆ ಪ್ರಧಾನಿ ನಡೆಯನ್ನು ಮೊದಲು ಪ್ರಶಂಸಿಸಿದ್ದ ನಟ ವಿಜಯ್ ನಂತರ ಸಾಮಾನ್ಯ ಜನರಿಗೆ ಇದರಿಂದ ತೊಂದರೆಯಾಗುತ್ತಿದೆ ಎಂದು ದೂರಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
