ಡ್ರಗ್ ಮಾಫಿಯಾ: ರಾಗಿಣಿ ಬಳಿಕ ನಟಿ ಸಂಜನಾ ಆಪ್ತ ರಾಹುಲ್ ಪೊಲೀಸ್ ವಶಕ್ಕೆ
ಗುರುವಾರ, 3 ಸೆಪ್ಟಂಬರ್ 2020 (09:18 IST)
ಬೆಂಗಳೂರು: ಡ್ರಗ್ಸ್ ಪೆಡ್ಲರ್ ಜತೆಗೆ ನಿರಂತರ ಸಂಪರ್ಕವಿದೆ ಎಂಬ ಆರೋಪದ ಮೇರೆಗೆ ಸ್ಯಾಂಡಲ್ ವುಡ್ ನಟಿ ಸಂಜನಾ ಆಪ್ತ ರಾಹುಲ್ ನನ್ನು ಸಿಸಿಬಿ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ಬೆಳಗಿನ ಜಾವ 3 ಗಂಟೆಗೆ ಕಾರಿನ ಸಮೇತ ರಾಹುಲ್ ನನ್ನು ಸಿಸಿಬಿ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಇದಕ್ಕೂ ಮೊದಲು ರಾಗಿಣಿ ದ್ವಿವೇದಿ ಆಪ್ತ ರವಿಶಂಕರ್ ರನ್ನು ವಶಕ್ಕೆ ತೆಗೆದುಕೊಂಡಿದ್ದ ಪೊಲೀಸರು ಇದೀಗ ರಾಗಿಣಿಗೂ ವಿಚಾರಣೆಗೆ ಹಾಜರಾಗಲು ಸೂಚಿಸಿದ್ದಾರೆ.
ಇದೀಗ ಸಂಜನಾ ಆಪ್ತನನ್ನು ಬಂಧಿಸಿರುವುದರಿಂದ ಸಂಜನಾಗೂ ಸಂಕಷ್ಟ ಕಾದಿದೆ ಎನ್ನಬಹುದು. ಡ್ರಗ್ ಮಾಫಿಯಾದಲ್ಲಿ ಭಾಗಿಯಾಗಿರಬಹುದು ಎನ್ನಲಾದ ಇನ್ನಷ್ಟು ನಟಿಯರ ಆಪ್ತರಿಗೆ ಈಗ ಪೊಲೀಸರು ಬಲೆ ಬೀಸಿದ್ದಾರೆ.
