ಜೋಗಿ ಸ್ಟೈಲಲ್ಲಿ ಲಾಂಗ್ ಹಿಡಿದ ನವರಸನಾಯಕ ಜಗ್ಗೇಶ್

ನವರಸನಾಯಕ ಜಗ್ಗೇಶ್ ಈಗ ಕಿರುತೆರೆ, ಬೆಳ್ಳಿತೆರೆ ಎರಡರಲ್ಲೂ ತೊಡಗಿಕೊಂಡಿರುವ ಕಲಾವಿದ. ನೀರ್ ದೋಸೆ ಚಿತ್ರದ ಬಳಿಕ ಅವರು ಕೈಗೆತ್ತಿಕೊಂಡಿರುವ ಸಿನಿಮಾ ’ಮೇಲುಕೋಟೆ ಮಂಜ’. ಹೆಸರೇ ಹೇಳುವಂತೆ ಜಗ್ಗೇಶ್ ನಕ್ಕು ನಗಿಸುವುದರಲ್ಲಿ ಅನುಮಾನವೇ ಇಲ್ಲ.

ಈ ಚಿತ್ರದ ಹಾಡೊಂದರಲ್ಲಿ ಅವರು ಶಿವಣ್ಣನ ಜೋಗಿ ಸ್ಟೈಲಲ್ಲಿ ಲಾಂಗ್ ಹಿಡಿದಿದ್ದಾರೆ. ಹಾಗೆಯೇ ಭಂಡ ನನ್ನ ಗಂಡ ಸ್ಟೈಲಲ್ಲೂ ಕಾಣಿಸಿಕೊಂಡಿದ್ದಾರೆ. ಲೈಫೇ ಸಬ್ಜೆಕ್ಟ್, ಲೇಡೀಸೆ ಫಸ್ಟ್ ಅನ್ನೋ ಹಾಡನ್ನ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಹಾಡಿರುವುದು ವಿಶೇಷ. ಈ ಹಾಡಿನ ಬಗ್ಗೆ ಜಗ್ಗೇಶ್ ಹೇಳೋದಿಷ್ಟು. 

"ಮೇಲುಕೋಟೆ ಮಂಜ ಹಾಡಿನ ಸನ್ನಿವೇಶ ಐಂದ್ರಿತಾ ರೈ ಕನವರಿಕೆಯಲ್ಲಿ ನಾನು ಕಾಣೋದು ಜೋಗಿ ಶಿವಣ್ಣ/ಭಂಡ ನನ್ನ ಗಂಡ/getupನಲ್ಲಿ..ಈ ಹಾಡು ಪುನೀತ್ ರಾಜ್ ನನ್ನ ಮೇಲಿನ ಪ್ರೀತಿಯಿಂದ ಹಾಡಿದ್ದಾರೆ..ಲೈಫೆ subjectu ಲೇಡಿಸೆ firstu ನಿಮ್ದೇನೆ ಈಗ ಜಮಾನ ಹಾಡಿನಸಾಲು..ಹಾಡಿನ ಧ್ಯನಿಮುದ್ರಿಕೆ ಬಿಡುಗಡೆಗೆ ದಿನ ನಿಗದಿಯಾಗಬೇಕಷ್ಟೆ..ನಗುವಿಗೆ ಮಾತ್ರ ಈ ಮಂಜ..ಮಂಜ..ಮಂಜ.."

ಯಾಂತ್ರಿಕ ಬದುಕಿಗೆ ನಗುಬೇಕು ಮೇಲುಕೋಟೆ ಮಂಜ ಇದ್ದ ಜಾಗದಲ್ಲಿ ನಗು ಅನಾವರಣ.. ನಿಮ್ಮ ನಗಿಸಿ ಮನತಣಿಸಲು ಮಂಜ ಹೊಂಚು ಹಾಕುತ್ತಿದ್ದಾನೆ..ನಿರೀಕ್ಷೆಇಲ್ಲದೆ ನಗಲು ಬನ್ನಿ..ಮಂಜ ಇಷ್ಟವಾಗುತ್ತಾನೆ ಎಂದಿದ್ದಾರೆ ನವರಸ ನಾಯಕ. ಅಂದಹಾಗೆ ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಂಭಾಷಣೆ, ನಿರ್ದೇಶಕ ಜಗ್ಗೇಶ್. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.