ಬಳ್ಳಾರಿ: ಪತ್ನಿ ವಿಜಯಲಕ್ಷ್ಮಿ ಪತಿ ದರ್ಶನ್ ಗೆ ಒಳ್ಳೆಯದಾಗಲೆಂದು ಮಂತ್ರಿಸಿ ತಂದು ಕುತ್ತಿಗೆಗೆ ಕಟ್ಟಿದ್ದ ತಾಯ್ತವನ್ನೂ ಜೈಲು ಸಿಬ್ಬಂದಿಗಳು ಕಿತ್ತು ಹಾಕುವ ಸಾಧ್ಯತೆಯಿದೆ ಎನ್ನಲಾಗಿದೆ.
ರೇಣುಕಾಸ್ವಾಮಿ ಮರ್ಡರ್ ಕೇಸ್ ನಲ್ಲಿ ನ್ಯಾಯಾಂಗ ಬಂಧನದಲ್ಲಿರುವ ನಟ ದರ್ಶನ್ ಸದ್ಯಕ್ಕೆ ಬಳ್ಳಾರಿ ಜೈಲಿನಲ್ಲಿದ್ದಾರೆ. ಅವರಿಗೆ ಇತ್ತೀಚೆಗೆ ಜಾಮೀನು ನಿರಾಕರಣೆಯಾಗಿತ್ತು. ಜೊತೆಗೆ ಬೆನ್ನು ನೋವು ಕೂಡಾ ತೀವ್ರವಾಗಿ ಕಾಡಲಾರಂಭಿಸಿದೆ. ನಿನ್ನೆ ರಾತ್ರೋ ರಾತ್ರಿ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು.
ಇದೆಲ್ಲದರ ನಡುವೆ ಪತ್ನಿ ವಿಜಯಲಕ್ಷ್ಮಿ ತಮ್ಮ ಪತಿಗೆ ಕೆಡುಕಾಗದಂತೆ ತಾಯ್ತವೊಂದನ್ನು ಕಟ್ಟಿದ್ದರು. ಆದರೆ ಇದನ್ನು ಈಗ ಜೈಲು ಅಧಿಕಾರಿಗಳು ಕಿತ್ತು ಹಾಕುವ ಸಾಧ್ಯತೆಯಿದೆ ಎನ್ನಲಾಗಿದೆ. ಜೈಲು ನಿಯಮದ ಪ್ರಕಾರ ಖೈದಿಗಳು ಕುತ್ತಿಗೆಗೆ ಚೈನು, ದಾರ ಇತ್ಯಾದಿ ಕಟ್ಟುವಂತಿಲ್ಲ.
ಈಗಾಗಲೇ ಜೈಲು ನಿಯಮ ಉಲ್ಲಂಘನೆಯಾದ ನಿಟ್ಟಿನಲ್ಲಿ ಪೊಲೀಸರು ಸಾಕಷ್ಟು ಸಂಕಷ್ಟ ಎದುರಿಸಿದ್ದರು. ಹೀಗಾಗಿ ಈಗ ದರ್ಶನ್ ವಿಚಾರದಲ್ಲಿಜೈಲು ಅಧಿಕಾರಿಗಳು ಕಟ್ಟುನಿಟ್ಟಾಗಿದ್ದಾರೆ. ಕುತ್ತಿಗೆಗೆ ದಾರ ಕಟ್ಟುವುದು ಜೈಲಿನ ನಿಯಮಕ್ಕೆ ವಿರುದ್ಧವಾಗಿರುವುದರಿಂದ ಅದನ್ನು ತೆಗೆಯಲು ಸೂಚಿಸಲಿದ್ದಾರೆ.
