ಅಯನ್ ಮುಖರ್ಜಿ ಅವರು ಆ್ಯಕ್ಷನ್ ಕಟ್ ಹೇಳುತ್ತಿರುವ ಜೂನಿಯರ್ ಎನ್ಟಿಆರ್ ಅವರು ಅಭಿನಯದ ಬಹು ನಿರೀಕ್ಷಿತ 'ವಾರ್ 2' ಚಿತ್ರದ ಎರಡನೇ ಶೆಡ್ಯೂಲ್ ಅನ್ನು ಆಗಸ್ಟ್ 18 ರಂದು ಪ್ರಾರಂಭಿಸಲಿದ್ದಾರೆ. ಈ ಹಿನ್ನೆಲೆ ಶೀಘ್ರದಲ್ಲೇ ಜೂನಿಯರ್ ಎನ್ಟಿಆರ್ ಮುಂಬೈಗೆ ತೆರಳಲಿದ್ದಾರೆ.
ಸಾಹಸ ಪಾತ್ರಗಳ ಮೂಲಕನೇ ಹೆಚ್ಚು ಅಭಿಮಾನಿಗಳನ್ನು ಗಳಿಸಿರುವ ಜೂನಿಯರ್ ಎನ್ಟಿಆರ್ ಅವರು ಈ ಸಿನಿಮಾದ ಎರಡನೇ ಶೆಡ್ಯೂಲ್‌ನಲ್ಲಿ ತೀವ್ರವಾದ ಆಕ್ಷನ್ ಸೀಕ್ವೆನ್ಸ್‌ನಲ್ಲಿ ತೊಡಗಿಸಿಕೊಳ್ಳಲಿದ್ದಾರೆ.
ಆರ್‌ಆರ್‌ಆರ್‌ನ ಯಶಸ್ಸಿನ ನಂತರ ಇದೀಗ ಎನ್ಟಿಆರ್ ಜೂನಿಯರ್‌ನ ಪ್ಯಾನ್-ಇಂಡಿಯಾ ಆಕ್ಷನ್ ಸ್ಪೆಕ್ಟೇಕಲ್ ವಾರ್ 2 ಅನ್ನು ಅಯನ್ ಮುಖರ್ಜಿ ನಿರ್ದೇಶಿಸುತ್ತಿದ್ದು, ಇದು ಭಾರಿ ನಿರೀಕ್ಷಿತ ಚಿತ್ರವಾಗಿದೆ.
ಇನ್ನೂ ಸಿಕ್ಕಾ ಮಾಹಿತಿ ಪ್ರಕಾರ ಈ ಹಿಂದೆ ಎಂದೂ ಕಾಣಿಸಿಕೊಳ್ಳದ ಅವತಾರದಲ್ಲಿ ಜೂನಿಯರ್ ಎನ್ಟಿಆರ್ ಅವರು ಸಾಹಸ ಪ್ರದರ್ಶನ ಮೆರೆಯಲಿದ್ದಾರೆ. ಈ ಮೂಲಕ ವಾರ್ 2 ನಲ್ಲಿ ಹಿಂದೆಂದೂ ನೋಡಿರದ ಅವತಾರದಲ್ಲಿ ಜೂನಿಯರ್ ಎನ್ಟಿಆರ್ ಅವರನ್ನು ನೋಡಬಹುದು.
ವಾರ್ 2 ಸಿನಿಮಾಗೆ ಆದಿತ್ಯ ಚೋಪ್ರಾ ಅವರು ಬಂಡವಾಳ ಹೂಡಿದ್ದಾರೆ. ಏಕ್ ಥಾ ಟೈಗರ್, ಟೈಗರ್ ಜಿಂದಾ ಹೈ, ಟೈಗರ್ 3, ವಾರ್ ಮತ್ತು ಪಠಾನ್ ನಂತರ YRF ಸ್ಪೈ ಯೂನಿವರ್ಸ್‌ನಲ್ಲಿ ಆರನೇ ಚಿತ್ರವಾಗಿದೆ.
