ವಿಕಾಸ್, ಸಿಂಧು ಲೋಕನಾಥ್ ಅಭಿನಯದ ‘ಕಾಣದಂತೆ ಮಾಯವಾದನು’ ಚಿತ್ರ ಬಿಡುಗಡೆಯಾಗಿ ಪ್ರೇಕ್ಷಕರಿಂದ ಒಳ್ಳೆಯ ರೆಸ್ಪಾನ್ಸ್ ಪಡೆದುಕೊಳ್ಳುತ್ತಿದೆ. ಚಿತ್ರಕಥೆ ಹಾಗೂ ಹೊಸತನದಿಂದ ಈ ಚಿತ್ರ ಯಶಸ್ವಿಯಾಗಿ ಪ್ರದರ್ಶನ ಕಾಣ್ತಿದೆ. ಚಿತ್ರದಲ್ಲಿ ಬರುವ ಮಿಂಚಿನ ಬಳ್ಳಿ ಹಾಡು ಚಿತ್ರಮಂದಿರದಿಂದ ಆಚೆ ಬಂದ ಮೇಲೆ ಎಲ್ಲರನ್ನು ಕಾಡಿತ್ತು. ಇದೀಗ ಚಿತ್ರತಂಡ ಮಿಂಚಿನ ಬಳ್ಳಿ ವಿಡಿಯೋ ಸಾಂಗ್ ರಿಲೀಸ್ ಮಾಡಿದ್ದು, ಈ ಹಾಡು ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ.
ಜಯಂತ್ ಕಾಯ್ಕಿಣಿ ಸಾಹಿತ್ಯ ಕೃಷಿ ಈ ಹಾಡಿಗಿದ್ದು, ಅಶ್ವಿನ್ ಶರ್ಮಾ, ಸಂಗೀತ ರವೀಂದ್ರನಾಥ್ ದನಿಯಾಗಿರೋ ಈ ಹಾಡಿಗೆ ಸಂಗೀತ ನಿರ್ದೇಶಕ ಗುಮ್ಮಿನೇನಿ ವಿಜಯ್ ಸೊಗಸಾಗಿ ಮ್ಯೂಸಿಕ್ ಕಂಪೋಸ್ ಮಾಡಿದ್ದಾರೆ. ಬಿ. ಧನಂಜಯ್ ಅಷ್ಟೇ ಚೆನ್ನಾಗಿ ಹಾಡನ್ನು ತೆರೆ ಮೇಲೆ ಚೆಂದಗಾಣಿಸಿದ್ದಾರೆ.
