ಮೈ ಆಟೋಗ್ರಾಫ್ ಸಿನಿಮಾ ಪ್ಲಾಪ್ ಆಗಿದ್ದರೆ ಕತೆಯೇ ಮುಗಿಯುತ್ತಿತ್ತು: ಸುದೀಪ್

ಬೆಂಗಳೂರು: ತಮ್ಮ ಸಿನಿ ಜೀವನದ 25 ನೇ ವರ್ಷದ ಸಂಭ್ರಮದಲ್ಲಿ ಕಿಚ್ಚ ಸುದೀಪ್ ದುಬೈನಿಂದ ವರ್ಚ್ಯುವಲ್ ಪತ್ರಿಕಾಗೋಷ್ಠಿ ನಡೆಸಿದ್ದಾರೆ. ಈ ವೇಳೆ ಮೈ ಆಟೋಗ್ರಾಫ್ ಸಿನಿಮಾ ವೇಳೆ ನಡೆದಿದ್ದ ಕತೆಯನ್ನು ವಿವರಿಸಿದ್ದಾರೆ.

ಮೈ ಆಟೋಗ್ರಾಫ್ ಕಿಚ್ಚ ಸುದೀಪ್ ಗೆ ನಿರ್ದೇಶಕನಾಗಿ, ನಟನಾಗಿ ಬ್ರೇಕ್ ಕೊಟ್ಟ ಸಿನಿಮಾ. ಸೋಲಿನಿಂದ ಕಂಗೆಟ್ಟಿದ್ದ ಕಿಚ್ಚ ಹಠದಲ್ಲಿ ತಮ್ಮ ಮನೆಯನ್ನೇ ಅಡವಿಟ್ಟು ಆ ಸಿನಿಮಾ ನಿರ್ಮಿಸುವ ಸಾಹಸಕ್ಕೆ ಕೈ ಹಾಕಿದ್ದರು. ಆ ಸಿನಿಮಾವೇನಾದರೂ ಸೋತರೆ ಮನೆ ಬಿಟ್ಟು ಹೊರಡಕ್ಕೆ ರೆಡಿಯಾಗು ಎಂದು ಪತ್ನಿ ಪ್ರಿಯಾಗೆ ಮೊದಲೇ ಸುದೀಪ್ ಹೇಳಿದ್ದರಂತೆ. ಆದರೆ ಅದೃಷ್ಟವಶಾತ್ ಸಿನಿಮಾ ಗೆದ್ದಿತು. ಮನೆಯೂ ಉಳಿಯಿತು ಎಂದು ಹೇಳಿದ್ದಾರೆ. ಈ ವೇಳೆ ಅವರು ಸಾಕಷ್ಟು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.