ಜ್ಯೂ. ಎನ್ ಟಿಆರ್ ಫ್ಯಾಮಿಲಿ, ಪ್ರಶಾಂತ್ ನೀಲ್ ಫ್ಯಾಮಿಲಿಯನ್ನು ಕರೆದುಕೊಂಡು ರಿಷಬ್ ಪ್ರಮುಖ ದೇವಾಲಯಗಳಿಗೆ ಭೇಟಿ ನೀಡಿದ್ದಾರೆ. ಉಡುಪಿ ಕೃಷ್ಣ ಮಠ, ಕೊಲ್ಲೂರು ಮುಕಾಂಬಿಕೆಯ ಸನ್ನಿಧಿಗೆ ಭೇಟಿ ನೀಡಿದ್ದರು. ಅದರ ಜೊತೆಗೆ ಕೆರಾಡಿಯ ಮೂಡಗಲ್ ಕೇಶವನಾಥೇಶ್ವರ ದೇವಾಲಯಕ್ಕೆ ಭೇಟಿ ನೀಡಿದ್ದಾರೆ.
ಗುಹೆಯೊಳಗೆ ಪುಟ್ಟ ಈಶ್ವರನ ಗುಡಿಯಿದೆ. ಈ ಗುಹೆ ಅಪಾಯಕಾರಿ ಅಲ್ಲ. ಯಾರು ಬೇಕಾದರೂ ಹೋಗಬಹುದು. ಇಲ್ಲಿ ಸದಾ ನೀರು ತುಂಬಿರುತ್ತದೆ. ಇಲ್ಲಿ ಸಾಕಷ್ಟು ಸಂಖ್ಯೆಗಳಲ್ಲಿ ಮೀನುಗಳಿರುತ್ತವೆ. ಈ ಮೀನುಗಳಿಗೆ ಅಕ್ಕಿ ಆಹಾರವಾಗಿ ಕೊಡಬಹುದು. ವರ್ಷಕ್ಕೊಮ್ಮೆ ಎಳ್ಳು ಅಮವಾಸ್ಯೆ ಇಲ್ಲಿ ವಿಶೇಷವಾಗಿ ಆಗ ಮಾತ್ರ ಇಲ್ಲಿ ಸಾಕಷ್ಟು ಜನ ಇಲ್ಲಿ ಸೇರುತ್ತಾರೆ. ಹಾಗೆಂದು ಉಳಿದ ದಿನಗಳಲ್ಲಿ ಬರಬಾರದು ಎಂದೇನಿಲ್ಲ. ಆದರೆ ಆ ದಿನ ವಿಶೇಷವಾಗಿತ್ತದೆ. ಉಳಿದ ದಿನ ಕೇವಲ ಅರ್ಚಕರು ಮಾತ್ರ ನಿತ್ಯ ಪೂಜೆ ಮಾಡಿಕೊಂಡು ಹೋಗುತ್ತಾರೆ. ಉಡುಪಿಯ ಸುತ್ತಮುತ್ತ ಪ್ರವಾಸ ಹಾಕಿಕೊಂಡಾಗ ಇಲ್ಲಿಗೂ ಭೇಟಿ ಕೊಡಬಹುದು. ಹೆಚ್ಚು ಜನವಾಸವಿಲ್ಲ, ರಸ್ತೆ ಸಂಪರ್ಕವಿಲ್ಲದೇ ಇದ್ದರೂ ಈ ಮಳೆಗಾಲದಲ್ಲಿ ಹಚ್ಚ ಹಸಿರಿನ ಸುಂದರ ಪರಿಸರದ ನಡುವೆ ಈ ದೇವಾಲಯಕ್ಕೆ ಬರುವುದೇ ವಿಶೇಷ ಅನುಭವ ಕೊಡುತ್ತದೆ.
