ಪ್ರಧಾನಿ ನರೇಂದ್ರ ಮೋದಿ ಅವರ ನೋಟಿನೇಟಿನಿಂದ ಎಲ್ಲ ಬಿಜಿನೆಸ್‍ಗಳು ತಳ ಕಚ್ಚಿವೆ. ಅದರಲ್ಲೂ ಸಿನಿಮಾ ಕ್ಷೇತ್ರವಂತೂ ಆರ್‌ಡಿಎಕ್ಸ್ ಬಾಂಬ್ ಬಿದ್ದಂತೆ ಛಿದ್ರಛಿದ್ರವಾಗಿದೆ. ದೊಡ್ಡ ಸ್ಟಾರ್‌ಗಳ ಚಿತ್ರಗಳಿಲ್ಲ, ಹೊಸ ಚಿತ್ರಗಳ ಘೋಷಣೆ ಇಲ್ಲ. ನೋಟ್ ಬ್ಯಾನ್‍ಗೂ ಮುನ್ನ ಸೆಟ್ಟೇರಿ ಕಂಪ್ಲೀಟ್ ಮುಗಿಸಿಕೊಂಡಿದ್ದ ಚಿತ್ರಗಳಷ್ಟೇ ಈಗ ತೆರೆಕಾಣುತ್ತಿವೆ.
ಸಾಮಾನ್ಯವಾಗಿ ಚಿತ್ರರಂಗದಲ್ಲಿ ಓಡಾಡೋದು ಕಪ್ಪು ಹಣ ಅನ್ನೋ ಮಾತು ಚಾಲ್ತಿಯಲ್ಲಿದೆ. ಈಗ ಅಧಿಕ ಮೌಲ್ಯದ ನೋಟು ರದ್ದಾದ ಮೇಲೆ ಕೈಕಾಲು ಆಡದ ಪರಿಸ್ಥಿತಿ ಉಂಟಾಗಿದೆ. ಸಾಲುಸಾಲು ಚಿತ್ರಗಳು, ವಾರಕ್ಕೆ ಮೂರು ನಾಲ್ಕು ಸಿನಿಮಾಗಳು ತೆರೆಕಾಣುತ್ತಿದ್ದ ಸಂಭ್ರಮದ ದಿನಗಳು ಈಗಿಲ್ಲ.
