ಶಿವಾಯ್ ಚಿತ್ರ ಬಿಡುಗಡೆಯಾಗುವ ಮುನ್ನವೇ ಕೆಲ ನಗ್ನ ದೃಶ್ಯಗಳಿರುವ ವಿಡಿಯೋ ಬಿಡುಗಡೆಯಾಗಿದ್ದರಿಂದ ಅಸಮಾಧಾನಗೊಂಡಿದ್ದ ರಾಧಿಕಾ ಆಪ್ಟೆ, ಪತ್ರಕರ್ತನ ಪ್ರಶ್ನೆಯಿಂದ ಮತ್ತಷ್ಟು ಅಸಮಾಧಾನಗೊಂಡು, ಗೆಳೆಯನೇ ನಿನ್ನ ಪ್ರಶ್ನೆ ಹಾಸ್ಯಾಸ್ಪದವಾಗಿದೆ. ನೀನು ವಿಡಿಯೋ ನೋಡಿ, ಅದನ್ನು ಶೇರ್ ಮಾಡಿ, ಇದೀಗ ವಿವಾದವನ್ನು ಸೃಷ್ಟಿಸಲು ಬಯಸುತ್ತೀರಾ? ನಾನೊಬ್ಬಳು ನಟಿಯಾಗಿ ಚಿತ್ರಕಥೆಗೆ ಅಗತ್ಯವಾಗಿರುವಂತೆ ನಟಿಸುತ್ತೇನೆ ಎಂದು ತಿರುಗೇಟು ನೀಡಿದ್ದಾಳೆ.
ಅಷ್ಟಕ್ಕೂ ಸುಮ್ಮನಾಗದ ನಟಿ ರಾಧಿಕಾ, ಹಾಲಿವುಡ್ ಅಥವಾ ಅಂತಾರಾಷ್ಟ್ರೀಯ ಸಿನೆಮಾಗಳಲ್ಲಿ ಏನು ನಡೆಯುತ್ತಿದೆ ಎನ್ನುವುದು ನೀನು ನೋಡಿದ್ದಲ್ಲಿ ಇಂತಹ ಪ್ರಶ್ನೆ ಕೇಳುತ್ತಿರಲಿಲ್ಲ. ಯಾರಿಗೆ ತಮ್ಮ ದೇಹ ಸೌಂದರ್ಯದ ಬಗ್ಗೆ ಅಸಮಾಧಾನವಿರುತ್ತದೆಯೋ ಅವರು ಇತರರ ದೇಹ ಸೌಂದರ್ಯವನ್ನು ನೋಡುವ ಆಸಕ್ತಿ ಹೊಂದಿರುತ್ತಾರೆ. ಒಂದು ವೇಳೆ ನಿನಗೆ ನಗ್ನ ದೇಹ ನೋಡಬೇಕು ಎನ್ನುವ ಆಸೆಯಿದ್ದಲ್ಲಿ ನನ್ನ ವಿಡಿಯೋ ನೋಡುವುದು ಬಿಟ್ಟು ನಿನ್ನನ್ನು ನೀನು ನಗ್ನನಾಗಿ ಕನ್ನಡಿಯ ಮುಂದೆ ನಿಂತು ನೋಡಿಕೋ ಎಂದು ಸಲಹೆ ನೀಡಿದ್ದಾಳೆ.
