ನವದೆಹಲಿ: ದೂರದರ್ಶನದಲ್ಲಿ ಪ್ರಸಾರವಾಗುತ್ತಿರುವ ರಾಮಾಯಣ ಧಾರವಾಹಿಯ ಮರು ಪ್ರಸಾರ ಈಗ ಜನಪ್ರಿಯವಾಗಿದೆ. ಈ ಧಾರವಾಹಿಯಲ್ಲಿ ಸೀತಾಪಹರಣದ ದೃಶ್ಯ ನೋಡಿ ಸ್ವತಃ ರಾವಣ ಪಾತ್ರಧಾರಿ ಅರವಿಂದ್ ತ್ರಿವೇದಿ ಭಾವುಕರಾದ ಘಟನೆ ನಡೆದಿದೆ.
ಈ ಧಾರವಾಹಿಯಲ್ಲಿ ರಾವಣನಾಗಿ ಮಿಂಚಿರುವ ಅರವಿಂದ್ ತ್ರಿವೇದಿಗೆ ಈಗ 84 ವರ್ಷ. ಇದೀಗ ಮರುಪ್ರಸಾರದ ಎಪಿಸೋಡ್ ಗಳನ್ನು ಸಾಮಾನ್ಯ ವೀಕ್ಷಕರಂತೇ ಅವರೂ ಕುತೂಹಲದಿಂದ ನೋಡುತ್ತಿದ್ದಾರೆ.
ತಾವು ಅಭಿನಯಿಸಿರುವ ಸೀತಾಪಹರಣದ ದೃಶ್ಯ ನೋಡುವಾಗಲಂತೂ ಅವರಿಗೇ ದುಃಖ ತಡೆಯಲಾಗಲಿಲ್ಲವಂತೆ. ಈ ಪಾತ್ರ ನಿಭಾಯಿಸಿ 30 ವರ್ಷಗಳೇ ಕಳೆದರೂ ಅವರಿಗೆ ಹಳೆಯ ನೆನಪು ಮಾಸಿಲ್ಲ.
