ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ನೂತನ ಜಾಹೀರಾತೊಂದರ ವಿಡಿಯೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು, ಇದಕ್ಕೆ ನೆಟ್ಟಿಗರು ಮಾಡಿರುವ ಕಾಮೆಂಟ್ ಒಂದಕ್ಕಿಂತ ಒಂದು ಇಂಟ್ರೆಸ್ಟಿಂಗ್ ಆಗಿದೆ.
ಯಶ್ ಮ್ಯಾಕ್ರೋಮ್ಯಾನ್ ಒಳ ಉಡುಪಿನ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದು ಈ ವಿಡಿಯೋವನ್ನು ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಒಳ ಉಡುಪು ಧರಿಸಿ ಯಶ್ ವರ್ಕೌಟ್ ಮಾಡುತ್ತಿರುವುದು ಮತ್ತು ಅದನ್ನು ನೋಡಿ ಹುಡುಗಿಯರ ಗುಂಪು ಕಣ್ಣು ಬಿಟ್ಟುಕೊಂಡು ನೋಡುವ ದೃಶ್ಯ ಜಾಹೀರಾತಿನಲ್ಲಿದೆ.
ಇದನ್ನು ನೋಡಿ ನೆಟ್ಟಿಗರು, ಈ ಜಾಹೀರಾತಿನಲ್ಲಿ ಅಭಿನಯಿಸಿದ್ದಕ್ಕೆ ನಿಮಗೆ ರಾಧಿಕಾ ಅತ್ತಿಗೆ (ಪತ್ನಿ ರಾಧಿಕಾ ಪಂಡಿತ್) ಏನೂ ಹೇಳಲ್ವಾ? ಎಂದು ಕೆಲವರು ಕಾಮೆಂಟ್ ಮಾಡಿದ್ದಾರೆ. ಮತ್ತೆ ಕೆಲವರು ಯಶ್ ಯಾವ ಚಡ್ಡಿ ಹಾಕ್ತಾರೆ ಅಂತ ನಮಗೆ ಈಗ ಕನ್ ಫರ್ಮ್ ಆಯ್ತು ಎಂದು ತಮಾಷೆ ಮಾಡಿದ್ದಾರೆ.
ಚಡ್ಡಿ ಜಾಹೀರಾತಿನಲ್ಲಿ ನಟಿಸಿದರೂ ಮುಜುಗರವಾಗದಂತೆ ಸನ್ನಿವೇಶದಲ್ಲಿ ನಟಿಸಿದ್ದಾರೆ ಎಂದು ಕೆಲವರು ಹೊಗಳಿದ್ದಾರೆ. ಇನ್ನು ಕೆಲವರು ಏನು ಜಾಹೀರಾತು ಮಾಡುತ್ತಲೇ ಇರುತ್ತೀರೋ ಅಥವಾ ಯಾವುದಾದರೂ ಸಿನಿಮಾನೂ ಮಾಡ್ತೀರೋ ಎಂದು ಕಾಲೆಳೆದಿದ್ದಾರೆ.
