ಬೆಂಗಳೂರು: ಡ್ರಗ್ ಮಾಫಿಯಾಗೆ ಸಂಬಂಧಿಸಿದಂತೆ ಬಂಧಿತರಾಗಿರುವ ರಾಹುಲ್ ಜತೆಗಿನ ಫೋಟೋವೊಂದನ್ನು ನಟಿ ಸಂಜನಾ ಶೇರ್ ಮಾಡಿದ್ದಾರೆ.
ಸಂಜನಾ ನಿಕಟವರ್ತಿಯಾಗಿರುವ ರಾಹುಲ್ ಗೆ ರಾಖಿ ಕಟ್ಟುವ ಫೋಟೋವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದಾರೆ. ರಾಹುಲ್ ಬಂಧಿತನಾದ ಹಿನ್ನಲೆಯಲ್ಲಿ ಸಂಜನಾಗೂ ವಿಚಾರಣೆಗೆ ಹಾಜರಾಗಲು ಸಿಸಿಬಿ ನೋಟಿಸ್ ನೀಡಬಹುದು ಎಂಬ ಸುದ್ದಿ ಹರಿದಾಡುತ್ತಲೇ ಇದೆ. ಸಂಜನಾ-ರಾಹುಲ್ ಪಾರ್ಟಿ ಮಾಡುತ್ತಿರುವ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿತ್ತು. ಈ ಹಿನ್ನಲೆಯಲ್ಲಿ ಸಂಜನಾಗೂ ವಿಚಾರಣೆಗೆ ಹಾಜರಾಗಲು ಸಿಸಿಬಿ ನೋಟಿಸ್ ನೀಡಬಹುದು ಎನ್ನಲಾಗಿದೆ. ಇದರ ಬೆನ್ನಲ್ಲೇ ಸಂಜನಾ ಆತ ನನಗೆ ಸಹೋದರನ ಸಮಾನ ಎಂದು ಸ್ಪಷ್ಟಪಡಿಸಲು ರಾಖಿ ಕಟ್ಟುವ ಫೋಟೋ ಶೇರ್ ಮಾಡಿಕೊಂಡಿದ್ದು, ರಾಹುಲ್ ಪರ ನಿಂತಿದ್ದಾರೆ.
