ಬೆಂಗಳೂರು: ಇಷ್ಟು ದಿನ ನಿಮ್ಮ ಮೆಸೇಜ್ ಗಳಿಗೆ ನಮಗೆ ಉತ್ತರ ಕೊಡಲು ಸಮಯ ಸಿಗಲ್ಲ. ಅದಕ್ಕೇ ಪ್ರತಿಕ್ರಿಯಿಸುತ್ತಿಲ್ಲ. ದಯವಿಟ್ಟು ಕ್ಷಮಿಸಿ ಎನ್ನುತ್ತಿದ್ದ ಸೆಲೆಬ್ರಿಟಿಗಳು ಈಗ ಸೋಷಿಯಲ್ ಮೀಡಿಯಾದಲ್ಲಿ ಸದಾ ಅಭಿಮಾನಿಗಳೊಂದಿಗೆ ಕನೆಕ್ಟ್ ಆಗಿದ್ದಾರೆ. ಎಲ್ಲವೂ ಲಾಕ್ ಡೌನ್ ಮಹಿಮೆ.
ಕಿರುತೆರೆ, ಸ್ಯಾಂಡಲ್ ವುಡ್, ಬಾಲಿವುಡ್, ಕ್ರಿಕೆಟ್ ತಾರೆಯರು ತಮ್ಮ ಫೇಸ್ ಬುಕ್, ಇನ್ ಸ್ಟಾಗ್ರಾಂ, ಟ್ವಿಟರ್ ಪೇಜ್ ಗಳಲ್ಲಿ ಪ್ರತಿನಿತ್ಯ ಲೈವ್ ಆಗಿ ಕಾಣಿಸಿಕೊಂಡು ಅಭಿಮಾನಿಗಳೊಂದಿಗೆ ಚ್ಯಾಟ್ ಮಾಡುತ್ತಿದ್ದಾರೆ. ಇದು ಒಂದು ರೀತಿಯಲ್ಲಿ ಅವರಿಗೆ ಮನೆಯೊಳಗೇ ಕೂತು ಒತ್ತಡಕ್ಕೊಳಗಾಗದಂತೆ ಉಪಾಯವೂ ಆಗಿದೆ.
ತಮ್ಮ ಪೇಜ್ ಅಲ್ಲದೆ, ಬೇರೆ ಬೇರೆ ಪೇಜ್ ಗಳ ಮೂಲಕ ಇಬ್ಬರು ಸೆಲೆಬ್ರಿಟಿ ಸ್ನೇಹಿತರು ಜತೆಯಾಗಿ ಲೈವ್ ಬಂದು ಅಭಿಮಾನಿಗಳನ್ನು ರಂಜಿಸುತ್ತಿದ್ದಾರೆ. ಅದೂ ಅಲ್ಲದೆ, ತಾವು ಮನೆಯಲ್ಲಿ ಮಾಡುವ ಅಡುಗೆ, ಕೆಲಸ, ಫನ್ನಿ ಕ್ಷಣಗಳನ್ನು ವಿಡಿಯೋ ಅಪ್ ಲೋಡ್ ಮಾಡಿ ಖುಷಿಪಡುತ್ತಿದ್ದಾರೆ.
