ಅಭಿಮಾನಿಯ ಆಸೆ ನೆರವೇರಿಸಿದ ಶಿವರಾಜ್ ಕುಮಾರ್

ಬೆಂಗಳೂರು: ಕರುನಾಡ ಚಕ್ರವರ್ತಿ ಶಿವರಾಜ್ ಕುಮಾರ್ ಬೈಕ್ ಓಡಿಸಿ ತಮ್ಮ ಅಭಿಮಾನಿಯೊಬ್ಬರ ಆಸೆ ನೆರವೇರಿಸಿದ್ದಾರೆ.

ಅಭಿಮಾನಿಯೊಬ್ಬರಿಗೆ ತಮ್ಮ ಹೊಸ ಬೈಕ್ ನ್ನು ಶಿವಣ್ಣ ಓಡಿಸಬೇಕು ಎಂದು ಕನಸಿತ್ತು. ಶಿವಣ್ಣ ಆತನ ಆಸೆಯನ್ನು ನಿರಾಸೆಗೊಳಿಸದೇ ಆತನನ್ನು ಹಿಂದೆ ಕೂರಿಸಿಕೊಂಡು ಬೈಕ್ ರೈಡ್ ಮಾಡಿ ಖುಷಿಕೊಟ್ಟಿದ್ದಾರೆ.

 ಈ ವಿಡಿಯೋ ಈಗ ವೈರಲ್ ಆಗಿದೆ. ಬೈಕ್ ಓಡಿಸಿದ್ದಲ್ಲದೆ, ಅದಕ್ಕೆ ತಮ್ಮ ಹಸ್ತಾಕ್ಷರ ನೀಡಿ ಅಭಿಮಾನಿಯ ಕನಸು ನನಸು ಮಾಡಿದ್ದಾರೆ. ಶಿವಣ್ಣ ಸಿಂಪ್ಲಿಸಿಟಿಗೆ ನೆಟ್ಟಿಗರು ಫಿದಾ ಆಗಿದ್ದಾರೆ.