ಭಾರೀ ನಿರೀಕ್ಷೆಗಳೊಂದಿಗೆ ತೆರೆ ಮೇಲೆ ಬಂದ ನಟ ಕಮಲ್ ಹಾಸನ್ ಅಭಿನಯದ ಮಣಿರತ್ನಂ ನಿರ್ದೇಶನದ ಥಗ್ ಲೈಫ್ ಸಿನಿಮಾ ಅಂದುಕೊಂಡಷ್ಟು ಯಶಸ್ಚಿಯಾಗಿಲ್ಲ.
ನಾಯಗನ್ ನಂತರ ಸುಮಾರು 37 ವರ್ಷಗಳ ನಂತರ ಮಣಿ ಮತ್ತು ಕಮಲ್ ಮತ್ತೆ ಒಂದಾಗುವುದರೊಂದಿಗೆ, ಅಭಿಮಾನಿಗಳು ಥಗ್ ಲೈಫ್‌ನಲ್ಲಿ ಮತ್ತೊಂದು ಕ್ಲಾಸಿಕ್ ಅನ್ನು ನಿರೀಕ್ಷಿಸುತ್ತಿದ್ದರು.
ಆದರೆ ಥಗ್ ಲೈಪ್ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ನಿರೀಕ್ಷೆಯಷ್ಟು ಕಲೆಕ್ಷನ್ ಮಾಡದೆ ನಿರಾಸೆ ಮೂಡಿಸಿತ್ತು. ಥಗ್ ಲೈಫ್ ಬಿಡುಗಡೆಯಾದ ಎರಡು ವಾರಗಳ ನಂತರ, ಮಣಿರತ್ನಂ ತಮ್ಮ ಚಿತ್ರದ ವೈಫಲ್ಯದ ಬಗ್ಗೆ ಮೌನ ಮುರಿದಿದ್ದಾರೆ.
ಥಗ್ ಲೈಫ್‌ನಿಂದ ಅಭಿಮಾನಿಗಳು ವಿಭಿನ್ನವಾದದ್ದನ್ನು ನಿರೀಕ್ಷಿಸುತ್ತಾರೆ ಎಂದು ಅವರು ಈಚೆಗೆ ಸಂದರ್ಶನವೊಂದರಲ್ಲಿ ಹೇಳಿದ್ದರು. ತಮ್ಮ ನಿರೀಕ್ಷೆಗಳನ್ನು ಪೂರೈಸದಿದ್ದಕ್ಕಾಗಿ ಮಣಿರತ್ನಂ ಅವರು ಪ್ರೇಕ್ಷಕರಲ್ಲಿ ಕ್ಷಮೆಯಾಚಿಸಿದರು.
