ಕೂಡಲಸಂಗಮದಲ್ಲಿ ನಡೆಯುತ್ತಿರುವ ಸಂಗೊಳ್ಳಿ ರಾಯಣ್ಣ ಬ್ರಿಗೇಡ್ ಸಮಾವೇಶದಲ್ಲಿ ಮಾತನಾಡಿರುವ ವಿಧಾನ ಪರಿಷತ್ ವಿಪಕ್ಷ ನಾಯಕ ಕೆಎಸ್ ಈಶ್ವರಪ್ಪ, ಬಡವರು, ಶೋಷಿತರು, ಹಿಂದುಳಿದವರ ಏಳಿಗೆಯೇ ಬ್ರಿಗೇಡ್‌ನ ಟಾರ್ಗೆಟ್. ರಾಜಕೀಯ ಸಂಘಟನೆಯಾಗುವುದಿಲ್ಲ ಎಂದು ತಿರುಗೇಟು ನೀಡಿದರು.
ರಾಯಣ್ಣ ಬ್ರಿಗೇಡ್‌ನ್ನು ಶ್ರೀ ಕೃಷ್ಣನಿಗೆ ಹೋಲಿಕೆ ಮಾಡಿದ ಈಶ್ವರಪ್ಪ, ಶ್ರೀಕೃಷ್ಣ ಹುಟ್ಟುವುದಕ್ಕೆ ಮುನ್ನ ಕಂಸನಿಗೆ ನಡುಕ ಉಂಟಾಗಿತ್ತು. ಕೃಷ್ಣ ಹುಟ್ಟಿದ 6 ತಿಂಗಳ ನಂತರ ಕಂಸ ಸತ್ತ. ಕೃಷ್ಣ ಮಣ್ಣು ತಿಂದಿರುವುದನ್ನು ತೋರಿಸುವಂತೆ ತಾಯಿ ಹೇಳಿದಾಗ ಕೃಷ್ಣ ಬಾಯಿ ತೆರೆದಾಗ ವಿಶ್ವರೂಪ ಕಾಣಿಸಿ ಆಘಾತಗೊಂಡಿದ್ದಳು. ಅದರಂತೆ, ಇಂದು ನೀವು ನನಗೆ ವಿಶ್ವರೂಪ ತೋರಿಸಿದ್ದೀರಿ ಎಂದು ಸಂತಸ ವ್ಯಕ್ತಪಡಿಸಿದರು.
