ಸುಮಲತಾ-ಜೆಡಿಎಸ್ ನಾಯಕರ ನಡುವೆ ಈಗ ಕ್ಷಮೆಗಾಗಿ ಪಟ್ಟು

ಬೆಂಗಳೂರು: ಸುಮಲತಾ-ಎಚ್ ಡಿಕೆ ನಡುವಿನ ಜಟಾಪಟಿ ಈಗ ಕ್ಷಮೆ ಯಾಚನೆಗೆ ಪಟ್ಟು ಕೇಳುವವರೆಗೆ ಬಂದು ನಿಂತಿದೆ.

ಇಬ್ಬರ ನಡುವಿನ ಜಟಾಪಟಿ ವೇಳೆ ರೆಬಲ್ ಸ್ಟಾರ್ ಅಂಬರೀಶ್, ಅವರ ಸಾವಿನ ಬಳಿಕ ನಡೆದ ಘಟನೆಗಳ ಪ್ರಸ್ತಾಪವಾಗಿತ್ತು. ಇದರಿಂದ ಅಂಬಿ ಅಭಿಮಾನಿಗಳಿಗೆ ತೀವ್ರ ಬೇಸರವಾಗಿತ್ತು. ಈ ವಿಚಾರವಾಗಿ ಸುಮಲತಾ ಕ್ಷಮೆ ಕೇಳಿ ಪ್ರಕರಣಕ್ಕೆ ಇತ್ಯರ್ಥ ಹಾಡಬೇಕು ಎಂದು ಜೆಡಿಎಸ್ ಶಾಸಕ ರವೀಂದ್ರ ಶ್ರೀಕಂಠಯ್ಯ, ಟಿ ಶರವಣ ಹೇಳಿದ್ದರು.

ಈ ಹೇಳಿಕೆಗೆ ತಿರುಗೇಟು ಕೊಟ್ಟಿರುವ ಸುಮಲತಾ ನನಗೆ ನನ್ನ ಜವಾಬ್ಧಾರಿ ಗೊತ್ತಿದೆ. ಟಿ ಶರವಣ ಯಾರೆಂದೇ ಗೊತ್ತಿಲ್ಲ. ರವೀಂದ್ರ ಶ್ರೀಕಂಠಯ್ಯ ಹೇಳಿದಂತೆ ಕೇಳಲು ಆಗಲ್ಲ. ಅಕ್ರಮ ಗಣಿಗಾರಿಕೆ ವಿರುದ್ಧ ನನ್ನ ಹೋರಾಟ ಮುಂದುವರಿಯಲಿದೆ. ಅವರೇ ಕ್ಷಮೆ ಕೇಳಿ ಪ್ರಕರಣಕ್ಕೆ ಅಂತ್ಯ ಹಾಡಲಿ ಎಂದಿದ್ದಾರೆ.