ಸರ್ಕಾರದ ವಿರುದ್ಧ ರೊಚ್ಚಿಗೆದ್ದ ಬಿಸಿಊಟ ಕಾರ್ಯಕರ್ತೆಯರು

ಬಿಸಿಯೂಟ ನೌಕರರು ಈ ಹಿಂದೆ ವಿವಿಧ ಬೇಡಿಕೆಗಳಿಗೆ ಒತ್ತಾಯಿಸಿ ಧರಣಿ ಮಾಡಿದ್ರು.ತಮ್ಮ ಬೇಡಿಕೆ ಈಡೇರದ ಹಿನ್ನೆಲೆ ಬಿಸಿ ಊಟ ಕಾರ್ಯಕರ್ತರು ವಿಧಾನಸೌಧ ಮುತ್ತಿಗೆ ಹಾಕಲು ನಿರ್ಧಾರ ಮಾಡಿಕೊಂಡಿದ್ದಾರೆ.ಈ ಹಿಂದೆ ಫ್ರೀಡಂ ಪಾರ್ಕ್ ನಲ್ಲಿ ಫೆ.13ರಿಂದ ಅನಿರ್ಧಿಷ್ಟಾವಧಿ ಧರಣಿ ನಡೆಸುತ್ತಿದ್ದರೂ ಆಗ ಸರ್ಕಾರದಿಂದ ಯಾವುದೇ ಪ್ರತಿಕ್ರಿಯೆಯಿಲ್ಲ.ಹೀಗಾಗಿ ಇಂದು     ಕಾರ್ಯಕರ್ತೆಯರು ವಿಧಾನಸೌದ ಮುತ್ತಿಗೆ ಹಾಕಲು ಯತ್ನಿಸಿದ್ದಾರೆ.

ಪೊಲೀಸರು ಬಿಸಿ ಊಟ ಕಾರ್ಯಕರ್ತರನ್ನ ತಡೆದು ಬಿಎಂಟಿಸಿ ಬಸ್ ಹತ್ತಿಸಲು ಹರಸಾಹಸ ಪಾಟ್ಟಿದ್ದಾರೆ. ವಿಧಾನ ಸೌಧ ಮುತ್ತಿಗೆ ಯತ್ನ ಮಾಡುತ್ತಿರುವ ಪ್ರತಿಭಟನಾಕಾರರನ್ನು ಪೊಲೀಸರು  ವಶಕ್ಕೆ ಪಡೆದಿದ್ದಾರೆ.ಈ ವೇಳೆ ಬ್ಯಾರಿಕೇಡ್ ತಳ್ಳಿ ಹಾಕಿ ಪ್ರತಿಭಟನಾ ಕಾರರು ಆಕ್ರೋಶ ವ್ಯಕ್ತಪಡಿಸಿದಾರೆ.ಅಲ್ಲದೇ ಪೊಲೀಸರ ವಿರುದ್ಧ ಕಿಡಿ ಕಾರಿದಾರೆ.

ಹಾಕಲು ತಾಳಿಯಿಲ್ಲ ಹೊಟ್ಟೆಗೆ ಹಿಟ್ಟಿಲ್ಲ ಸರ್ಕಾರಕ್ಕೆ ಕಣ್ಣಿಲ್ವಾ ಅಂತಾ ಸರ್ಕಾರದ ವಿರುದ್ಧ  ಮಹಿಳೆಯರು ಕಣ್ಣೀರು ಹಾಕಿ ಹಿಡಿ ಶಾಪ ಹಾಕಿದ್ದಾರೆ.