ನಾನು ಯಾವುದೇ ತಪ್ಪು ಮಾಡಿಲ್ಲ. ಆದ್ದರಿಂದ ಯಾರೇ ಹೇಳಿದರೂ ನಾನು ಹಸಿರು ಶಾಲು ತೆಗೆಯುವುದಿಲ್ಲ ಎಂದು ರೈತ ನಾಯಕ ಕೋಡಿಹಳ್ಳಿ ಚಂದ್ರಶೇಖರ್‌ ಹೇಳಿದ್ದಾರೆ.
ಬೆಂಗಳೂರಿನಲ್ಲಿ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ನಾನು ಇನ್ನೂ ರೈತ ಸಂಘದ ಅಧ್ಯಕ್ಷ ನಾಗಿದ್ದೇನೆ. ಯಾವುದೇ ತಪ್ಪು ಮಾಡದೇ ಹಸಿರು ಶಾಲು ಹಾಕಬೇಡಿ ಅಂದರೆ ಹೇಗಾಗುತ್ತೆ ಎಂದು ಪ್ರಶ್ನಿಸಿದರು.
ನಿನ್ನೆ ರಾಕೇಶ್ ಟಿಕಾಯತ್ ಮೇಲೆ ಹಲ್ಲೆ ಮಾಡಿರುವುದು ಖಂಡನೀಯ. ಅವರು ಒಬ್ಬ ರಾಷ್ಟೀಯ ನಾಯಕರು ಅವರಿಗೆ ನಮ್ಮ ರಾಜ್ಯದಲ್ಲಿ ಹೀಗೆ ಆಗಿರುವುದು ತುಂಬಾ ನೋವು ಆಗಿದೆ ಎಂದು ಅವರು ಹೇಳಿದರು.
ಹಲ್ಲೆ ಮಾಡುವರು ಜೈ ಮೋದಿ ಅಂದಿದಾರೆ ಅಂದರೆ ಅವರಿಗೆ ಮೋದಿ ಅವರು ಈ ರೀತಿ ಮಾಡಿ ಅಂತ ಹೇಳಿದ್ದರಾ? ರಾಜ್ಯ ಬಿಜೆಪಿ ನಾಯಕರು ಯಾರದರೂ ಹೇಳಿದ್ದಾರಾ? ಇವೆಲ್ಲ ತನಿಖೆ ಆಗಬೇಕು ಅವಾಗ ಗೊತ್ತಾಗುತ್ತೆ ಎಂದು ಅವರು ನುಡಿದರು.
ಘಟನೆ ಬಗ್ಗೆ ನಾನು ಸಿಎಂ ಗೆ ಪತ್ರ ಬರೆದಿದ್ದೇನೆ. ಈ ಬಗ್ಗೆ ರಾಜ್ಯ ಸರ್ಕಾರ ಈ ಘಟನೆಯನ್ನು ಗಂಭೀರವಾಗಿ ತೆಗೆದುಕೊಂಡು ತನಿಖೆ ನಡೆಸಲಿ ಎಂದು ಅವರು ಆಗ್ರಹಿಸಿದರು.
