ಭಾರತದ ಸ್ಕಾಟ್ಲ್ಯಾಂಡ್ ಎಂದೆ ಕರೆಸಿಕೊಳ್ಳುವ ಕೊಡುಗು ಜಿಲ್ಲೆ, ನೈಸರ್ಗಿಕ ಸೌಂದರ್ಯದಿಂದ ಪ್ರವಾಸಿಗರನ್ನು ಕೈ ಬೀಸಿ ಕರೆಯುತ್ತಿದೆ. ಹಚ್ಚ ಹಸಿರು ಪ್ರದೇಶ, ದಟ್ಟ ಕಾಡು ಮತ್ತು ಕಣಿವೆಗಳಿಂದ ಕೂಡಿರುವ ಈ ತಾಣ ಪ್ರವಾಸಿಗರ ಮನಸ್ಸನ್ನು ಶಾಂತಗೊಳಿಸುವುದರಲ್ಲಿ ಸಂದೇಹವೆ ಇಲ್ಲ.
ನೈಸರ್ಗಿಕ ಸೌಂದರ್ಯದಿಂದ ಪ್ರವಾಸಿಗರನ್ನು ಪ್ರಚೋದಿಸುತ್ತಿರುವ ಈ ಭೂ ಪ್ರದೇಶ, ಕಾಫಿ ತೋಟಗಳಿಂದ ನೋಡುಗರ ಮನಸ್ಸನು ವಿಶಾಲಗೊಳಿಸುತ್ತಿದೆ. ವಿವಿಧ ಬಗೆಯ ಹೂ, ಸಸ್ಯ ಮತ್ತು ಪ್ರಾಣಿ ಆಸಕ್ತಿದಾಯಕರು ಕಂಡಿತವಾಗಿಯೂ ಈ ಪ್ರದೇಶಕ್ಕೆ ಭೇಟಿ ನೀಡುವುದು ಅವಶ್ಯಕವಾಗಿದೆ.
