ಹೊಸ ವರ್ಷಕ್ಕೆ ಡ್ರಗ್ ಪಾರ್ಟಿಗೆ ನಡೆದಿತ್ತು ಸಿದ್ಧತೆ: ಖದೀಮರ ಬಂಧಿಸಿದ ಪೊಲೀಸರು
ಗುರುವಾರ, 17 ಡಿಸೆಂಬರ್ 2020 (09:00 IST)
ಬೆಂಗಳೂರು: ಹೊಸ ವರ್ಷದಂದು ಡ್ರಗ್ ಪಾರ್ಟಿ ಮಾಡಲು ಮಾದಕ ವಸ್ತುಗಳನ್ನು ಪೂರೈಸಲು ಹೊರಟಿದ್ದ ಅಂತರ್ ರಾಜ್ಯ ಖದೀಮರನ್ನು ನಗರ ಪೊಲೀಸರು ಬಂಧಿಸಿದ್ದಾರೆ.
ಬಂಧಿತರಿಂದ ಸುಮಾರು 1 ಕೋಟಿ ರೂ.ಗಳಷ್ಟು ಡ್ರಗ್ಸ್ ವಶಪಡಿಸಿಕೊಳ್ಳಲಾಗಿದೆ. ಅಮೃತಹಳ್ಳಿಯಲ್ಲಿ ಎನ್ ಸಿಬಿ ಅಧಿಕಾರಿಗಳ ಜತೆ ದಾಳಿ ನಡೆಸಿದ ಪೊಲೀಸರು ನಾಲ್ವರು ಆರೋಪಿಗಳನ್ನು ಬಂಧಿಸಿದ್ದಾರೆ. ಇವರಿಂದ 5.6 ಕೆಜಿ ಹಶೀಶ್, 3 ಕೆಜಿ ಮರಿಜ್ವಾನಾ, ಒಂದು ಕಾರು ಮತ್ತು ದ್ವಿಚಕ್ರವಾಹನ ಸೇರಿದಂತೆ 1.15 ಕೋಟಿ ಮೌಲ್ಯದ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ.
