ಹುಬ್ಬಳ್ಳಿಯ ಜನನಿಬಿಡ ರಸ್ತೆಯಲ್ಲಿ ಇಂಥದ್ದೊಂದು ದೃಶ್ಯ ನೋಡಿ ಜನ ಹುಬ್ಬೇರಿಸಿದ್ದಾರೆ. ಕಾರು ನಗರದ ಚೆನ್ನಮ್ಮ ವೃತ್ತದಿಂದ ಗೋಪನಕೊಪ್ಪದ ಕಡೆ ಸಂಚರಿಸುತ್ತಿತ್ತು. ಕೆಲವೆಡೆ ಕಾರಿನ ಡಿಕ್ಕಿಯಲ್ಲಿದ್ದ ವ್ಯಕ್ತಿ ಅಡ್ಡಲಾಗಿ ಮಲಗಿದ್ದ. ಕೆಲವರು ಶವವನ್ನು ಡಿಕ್ಕಿಯಲ್ಲಿಟ್ಟುಕೊಂಡು ಹೋಗುತ್ತಿದ್ದಾರಾ? ಎಂದು ಅನುಮಾನ ವ್ಯಕ್ತಪಡಿಸಿದ್ದರು. ಆದರೆ ಆತ ಅಲುಗಾಡುತ್ತಿದ್ದುದರಿಂದ ಜೀವಂತವಾಗಿರೋದು ಖಾತ್ರಿಯಾಗಿದೆ.
ವಾಹನದ ಡಿಕ್ಕಿಯಲ್ಲಿ ಕುಳಿತು ಅಪಾಯ ಲೆಕ್ಕಿಸದೆ ಪ್ರಯಾಣ ಮಾಡುವುದು ಎಷ್ಟು ಸರಿ? ಎಂದು ಜನರು ಪ್ರಶ್ನಿಸಿದ್ದಾರೆ. ಅದರಲ್ಲೂ ಹುಬ್ಬಳ್ಳಿಯ ಬಹುತೇಕ ರಸ್ತೆಗಳು ಗುಂಡಿಗಳಿಂದ ತುಂಬಿವೆ. ಹೀಗಿರುವಾಗ ಅಪ್ಪಿತಪ್ಪಿ ಗುಂಡಿಯಲ್ಲಿ ಏನಾದ್ರೂ ಬಿದ್ದಿದ್ದರೆ ಗತಿಯೇನೆಂದು ಕೇಳಿದ್ದಾರೆ. ವಿಚಿತ್ರ ಅಂದ್ರೆ, ಪೊಲೀಸರ ಮುಂದೆಯೇ ಈ ಕಾರು ಹಾದು ಹೋದರೂ ಅವರು ತಲೆಕೆಡಿಸಿಕೊಂಡಿಲ್ಲ ಎಂದು ಸ್ಥಳೀಯರು ಆರೋಪಿಸಿದ್ದಾರೆ.
