ಪೊಲೀಸ್ ಠಾಣೆಯಲ್ಲೇ ಮದ್ವೆ ಆದ ಲವರ್ಸ್!
ಪ್ರೇಮಿಗಳಿಬ್ಬರು ಪೊಲೀಸ್ ಠಾಣೆಯಲ್ಲೇ ಹಾರ ಬದಲಾಯಿಸಿಕೊಂಡ ಮದುವೆಯಾದ ಘಟನೆ ನಡೆದಿದೆ.
ಮೂರು ವರ್ಷಗಳಿಂದ ಪರಸ್ಪರ ಪ್ರೀತಿ ಮಾಡುತ್ತಿದ್ದ ಪ್ರೇಮಿಗಳಿಬ್ಬರು ರಾಯಚೂರಿನ ನೇತಾಜಿ ನಗರದ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಹಾರ ಬದಲಾಯಿಸಿಕೊಳ್ಳುವ ಮೂಲಕ ವಿವಾಹವಾದರು.
ರಾಜೇಶ ಮಾದಿಗ ಹಾಗೂ ಸಂಧ್ಯಾರಾಣಿ ಪ್ರೇಮ ವಿವಾಹವಾದ ಜೋಡಿ. ಇಬ್ಬರು ಅನ್ಯ ಜಾತಿಯವರಾಗಿದ್ದು, ಠಾಣೆಯಲ್ಲೇ ನವಜೀವನಕ್ಕೆ ಕಾಲಿಟ್ಟರು.
ಸ್ಥಳೀಯ ಉಪ ನೋಂದಣಿ ಕಾರ್ಯಾಲಯದಲ್ಲಿ ವಿವಾಹ ನೋಂದಣಿ ಮಾಡಿಸಿ, ನಂತರ ದಲಿತ ಸಂಘರ್ಷ ಸಮಿತಿ ಹಾಗೂ ಮಹಿಳಾ ಪೊಲೀಸರ ಸಮ್ಮುಖದಲ್ಲಿ ಹಾರ ಬದಲಾಯಿಸಿಕೊಂಡರು. ಇದಕ್ಕೂ ಮುಂಚೆ ಎರಡೂ ಕುಟುಂಬಸ್ಥರ ಮನವೊಲಿಸಿ ರಾಜಿ ಮಾಡಿಸಿ, ನಂತರ ಠಾಣೆಯಲ್ಲಿ ಸರಳವಾಗಿ ಮದುವೆ ಮಾಡಲಾಯಿತು.
