ಅಧಿಕಾರಿಗೆ ಧಮ್ಕಿ ಹಾಕಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪಶುಸಂಗೋಪನಾ ಸಚಿವ ಎ.ಮಂಜು ಕೀಳು ಮಟ್ಟದ ರಾಜಕೀಯ ಬಿಡಲಿ ಎಂದು ಜೆಡಿಎಸ್ ನಾಯಕ ಎಚ್.ಡಿ.ರೇವಣ್ಣ ಗುಡುಗಿದ್ದಾರೆ.
ಹಾಸನದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಅಧಿಕಾರಿಗಳು ತಪ್ಪು ಮಾಡಿದ್ದರೇ ಸಚಿವರು ಕ್ರಮ ಕೈಗೊಳ್ಳಲಿ. ಅದನ್ನು ಬಿಟ್ಟು ಧಮ್ಕಿ ಹಾಕಲು ಅಧಿಕಾರಿಗಳೇನು ಸಚಿವರ ಮನೆಯ ಕೆಲಸಗಾರರಾ ಎಂದು ಪ್ರಶ್ನಿಸಿದರು.
ಪಶುಸಂಗೋಪನಾ ಸಚಿವ ಎ.ಮಂಜು ಅವರು ನನ್ನ ಸಹೋದರ ಡಾ.ಮೋಹನ ದಾಸ್‌ಗೆ ನೀನು ಭ್ರಷ್ಟಾಚಾರ ಮಾಡಿದ್ದೀಯಾ ಎಂದು ಬೆದರಿಕೆ ಒಡ್ಡಿದ್ದರು. ಇದರಿಂದ ಮನನೊಂದು ಆತ ಪಶುಸಂಗೋಪನಾ ಇಲಾಖೆಯ ಎಡಿ ಹುದ್ದೆಯಿಂದ ಸ್ವಯಂ ನಿವೃತ್ತಿ ತೆಗೆದುಕೊಂಡಿದ್ದಾನೆ ಎಂದು ಜೆಡಿಎಸ್ ಶಾಸಕ ಎಚ್.ಎಸ್.ಪ್ರಕಾಶ್ ಆರೋಪಿಸಿದ್ದರು.
ಸಚಿವ ಎ.ಮಂಜು ಡಾ.ಮೋಹನ್ ದಾಸ್‌ಗೆ ಬೆದರಿಕೆಯೊಡ್ಡಿರುವ ಬಗ್ಗೆ ವಿಡಿಯೋ ಬಹಿರಂಗಗೊಂಡಿದ್ದು, ಅದರಲ್ಲಿ ಅಧಿಕಾರಿಗೆ ನಿನ್ನೆ ತಂದೆ ಏನು ಮಾಡ್ತಾರೆ ಎಂದು ಕೇಳಿದ್ದಾರೆ. ಸರ್ ಅವರು ನಗರಸಭೆಯ ಕೌನ್ಸಿಲರ್‌ ಆಗಿದ್ದರು ಎಂದು ಅಧಿಕಾರಿ ಹೇಳಿದಾಗ, ಅಷ್ಟೇನಾ ಎಂದು ಉತ್ತರಿಸಿರುವುದು ಬಹಿರಂಗವಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
