ಲವ್ ಮಾಡೋದಕ್ಕೆ ಸ್ಥಳ ಬೇಕಿಲ್ಲ. ಲವ್ ಆಗೋಕೆ ಕಾರಣ ಬೇಕಿಲ್ಲ ಅನ್ನೋದು ಲವರ್ ಗಳ ಮಾತು. ಆದರೆ ಲವ್ ಒನ್ ಸೈಡ್ ಆಗಿದ್ದರೆ ಆಗಬಾರದ್ದು ಆಗೇ ಹೋಗುತ್ತದೆ.
ಬೆಂಗಳೂರಿನ ವಿವೇಕ ನಗರ ಠಾಣೆಯಲ್ಲಿ ಮಹಿಳಾ ಪದೇ ಜತೆ ಕೆಲಸ ಮಾಡುತ್ತಿದ್ದ ಪೊಲೀಸ್ ಪ್ರಪೋಸ್ ಮಾಡಿದ್ದಾನೆ. ಒಂದೇ ಠಾಣೆ ಹಾಗೂ ವೃತ್ತಿಯಲ್ಲಿ ಇರೋದ್ರಿಂದ ಮಹಿಳಾ ಪೇದೆ ಪ್ರಪೋಸ್ ಒಪ್ಪಿಕೊಂಡು ಮಾತನಾಡತೊಡಗಿದ್ದಾಳೆ.
ಆದರೆ ಈ ಜೋಡಿಯ ಮದುವೆಗೆ ಪೊಲೀಸ್ ಸಂತೋಷ್ ಮನೆಯಲ್ಲಿ ಅಡ್ಡಿ ಪಡಿಸಿದ್ದಾರೆ. ಹೀಗಾಗಿ ಇದರಿಂದ ನೊಂದ ಮಹಿಳಾ ಪೇದೆ ಆತನಿಂದ ಅಂತರ ಕಾಯ್ದುಕೊಂಡಿದ್ದಾಳೆ.
ಇದರಿಂದ ರೋಸಿಹೋದ ಪೊಲೀಸ್, ನಿತ್ಯವೂ ಮಹಿಳಾ ಪೇದೆ ಪದೇ ಪದೇ ಫೋನ್ ಮಾಡೋದು, ಮನೆ ಹತ್ತಿರ ಹೋಗೋದನ್ನು ಮಾಡಿದ್ದಾನೆ. ಅಲ್ಲದೇ ಕುಡಿದು ಮನೆಮುಂದೆ ಗಲಾಟೆ ಮಾಡಿದ್ದಾನೆ. ಇದರಿಂದ ರೋಸಿಹೋದ ಮಹಿಳಾ ಪೇದೆ ತನಗೆ ಪ್ರಪೋಸ್ ಮಾಡಿದ ಪೊಲೀಸ್ ವಿರುದ್ಧ ಕೇಸ್ ದಾಖಲು ಮಾಡಿದ್ದಾಳೆ.
