ಬೆಂಗಳೂರು: ಭಾನುವಾರ ನಡೆದ ಕೊನೆಯ ಲೀಗ್ ಪಂದ್ಯದಲ್ಲಿ ಬಾಂಗ್ಲಾದೇಶ ವಿರುದ್ಧ ಪಂದ್ಯಾಟದಲ್ಲಿ ಗಾಯಗೊಂಡ ನಂತರ ಭಾರತದ ಆರಂಭಿಕ ಆಟಗಾರ್ತಿ ಪ್ರತೀಕಾ ರಾವಲ್ ಅವರು ನಡೆಯುತ್ತಿರುವ ಐಸಿಸಿ ಮಹಿಳಾ ವಿಶ್ವಕಪ್ 2025 ನಿಂದ ಹೊರಗುಳಿದಿದ್ದಾರೆ.
ನವಿ ಮುಂಬೈನ ಡಿವೈ ಪಾಟೀಲ್ ಕ್ರೀಡಾಂಗಣದಲ್ಲಿ ಮಳೆ ಪೀಡಿತ ಪಂದ್ಯದಲ್ಲಿ ಬೌಂಡರಿ ಹಗ್ಗದ ಬಳಿ ಫೀಲ್ಡಿಂಗ್ ಮಾಡುವಾಗ ರಾವಲ್ ಮೈದಾನದಲ್ಲಿ ಎಡವಿ ಬಿದ್ದಿದ್ದರು. ನೋವಿನಿಂದ ಬಳಲುತ್ತಿದ್ದ ಆಟಗಾರ್ತಿಯನ್ನು ಸಹಾಯಕ ಸಿಬ್ಬಂದಿ ಮೈದಾನದಿಂದ ಹೊರಗೆ ಕರೆತಂದರು. ಬಳಿಕ ಅವರು ಭಾರತದ ಉಳಿದ ಬೌಲಿಂಗ್ ಇನ್ನಿಂಗ್ಸ್‌ಗೆ ಹಿಂತಿರುಗಲಿಲ್ಲ ಹಾಗೂ ಬ್ಯಾಟಿಂಗ್‌ಗೂ ಮರಳಿಲ್ಲ.
ಬಳಿಕ ಅವರಿಗೆ ಸ್ಕ್ಯಾನ್ ಮಾಡಲಾಯಿತು. ಇದೀಗ ಅವರ ಆರೋಗ್ಯದ ದೃಷ್ಟಿಯಿಂದ ಅವರನ್ನು ತಂಡದಿಂದ ಹೊರಕ್ಕೆ ಇಡಲಾಗಿದೆ.
ಗುರುವಾರ (ಅಕ್ಟೋಬರ್ 30) ಇದೇ ಸ್ಥಳದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ನಡೆಯುವ ಸೆಮಿಫೈನಲ್ ಹಣಾಹಣಿಗೆ ಮುನ್ನ ಭಾರತಕ್ಕೆ ಇದು ಗಮನಾರ್ಹ ಹೊಡೆತವಾಗಿದೆ.
2024 ರ ಡಿಸೆಂಬರ್‌ನಲ್ಲಿ ಭಾರತಕ್ಕೆ ಪಾದಾರ್ಪಣೆ ಮಾಡಿದ ರಾವಲ್, ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಮೊದಲ ವರ್ಷ ಅದ್ಭುತ ಸಾಧನೆ ಮಾಡಿದ್ದಾರೆ. ಅದೇ ಸ್ಥಳದಲ್ಲಿ ನ್ಯೂಜಿಲೆಂಡ್ ವಿರುದ್ಧದ ಹಿಂದಿನ ಪಂದ್ಯದಲ್ಲಿ ಅವರು ತಮ್ಮ ಚೊಚ್ಚಲ ವಿಶ್ವಕಪ್ ಶತಕವನ್ನು ಬಾರಿಸಿದರು. ಈ ಪ್ರಕ್ರಿಯೆಯಲ್ಲಿ, ಅವರು ಮಹಿಳಾ ODIಗಳಲ್ಲಿ ಜಂಟಿ-ವೇಗವಾಗಿ 1000 ರನ್ ಗಳಿಸಿದರು ಮತ್ತು ಕ್ಯಾಲೆಂಡರ್ ವರ್ಷದಲ್ಲಿ 1000 ರನ್ ಗಳಿಸಿದ ಎರಡನೇ ಆಟಗಾರ್ತಿಯಾಗುವ ಅಂಚಿನಲ್ಲಿದ್ದರು.
