‘ಚಂದ್ರನನ್ನು ಭೂಮಿಗೆ ತರುತ್ತೇನೆಂದು ಮೋದಿ ನಿಮಗೆ ಮಂಕುಬೂದಿ ಎರಚಬಹುದು’
ಗುರುವಾರ, 12 ಅಕ್ಟೋಬರ್ 2017 (09:18 IST)
ನವದೆಹಲಿ: ಮತ್ತೆ ಪ್ರಧಾನಿ ಮೋದಿ ವಿರುದ್ಧ ವಾಗ್ದಾಳಿ ನಡೆಸಿರುವ ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ, ಮೋದಿ ಚಂದ್ರನನ್ನು ಭೂಮಿಗೆ ತರುತ್ತೇನೆಂದು ನಿಮ್ಮನ್ನು ನಂಬಿಸಬಹುದು ಎಂದು ವ್ಯಂಗ್ಯವಾಡಿದ್ದಾರೆ.
ಟ್ವಿಟರ್ ನಲ್ಲಿ ವಾಗ್ದಾಳಿ ನಡೆಸಿರುವ ರಾಹುಲ್, ಪ್ರಧಾನಿ ಮೋದಿ 2028 ರ ವೇಳೆಗೆ ಗುಜರಾತ್ ಜನತೆಗೆ ಚಂದ್ರನಲ್ಲಿ ಮನೆ ಕಟ್ಟಿಸಿಕೊಡುತ್ತೇನೆಂದು ಹೇಳಬಹುದು ಮತ್ತು 2030 ರ ವೇಳೆಗೆ ಭೂಮಿಗೆ ಚಂದ್ರನನ್ನೇ ಕರೆತರುತ್ತೇನೆಂದು ಆಶ್ವಾಸನೆ ಕೊಡಬಹುದು ಎಂದಿದ್ದಾರೆ.
ಗುಜರಾತ್ ಜನರನ್ನು ಇದೇ ರೀತಿ ಸುಳ್ಳು ಭರವಸೆಗಳ ಮೂಲಕ ಮೋದಿ ಇಷ್ಟು ಕಾಲ ನಂಬಿಸಿದ್ದಾರೆ ಎಂದು ಅವರು ಹೇಳಿದ್ದಾರೆ. ಇತ್ತೀಚೆಗಷ್ಟೇ ಮೋದಿ ತವರೂರು ಗುಜರಾತ್ ಪ್ರವಾಸ ಮುಗಿಸಿ ಬಂದಿರುವ ರಾಹುಲ್ ಹೊಸದಾಗಿ ವಾಗ್ದಾಳಿ ನಡೆಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
