ಕೆಲವೊಮ್ಮೆ ಮಾತಿನ ಭರದಲ್ಲಿ ಹೇಳಿರುವ ಮಾತುಗಳು ಬಹುದೊಡ್ಡ ವಿವಾದಕ್ಕೆ ಕಾರಣವಾಗುತ್ತವೆ ಎಂಬುದಕ್ಕೆ ಸ್ಪಷ್ಟ ಉದಾಹರಣೆ ಇದು. ಹೆಣ್ಣಿನ ಮಾನಕ್ಕಿಂತ, ಓಟಿನ ಮಾನ ದೊಡ್ಡದು( ಬೇಟಿ ಕಿ ಇಜ್ಜತ್ ಸೆ, ವೋಟ್ ಕಿ ಇಜ್ಜತ್ ಬಡಿ ಹೈ)ಎಂದು ಹೇಳುವ ಮೂಲಕ ಜೆಡಿಯು ಮುಖಂಡ, ರಾಜ್ಯಸಭಾ ಸದಸ್ಯ ಶರದ್ ಯಾದವ್ ಬಹುದೊಡ್ಡ ವಿವಾದಕ್ಕೆ ಕಾರಣರಾಗಿದ್ದಾರೆ.
ಪಾಟ್ಣಾದಲ್ಲಿ ಮತದಾನದ ಪಾವಿತ್ರ್ಯತೆ ಬಗ್ಗೆ ಮಾತನಾಡುತ್ತಿದ್ದ ಯಾದವ್, ಮಗಳ ಮಾನ ಹೋದರೆ, ಊರಿನ ಮಾನ ಹೋಗುತ್ತದೆ, 1 ಬಾರಿ ಮತ ಮಾರಾಟವಾದರೆ ಸಂಪೂರ್ಣ ದೇಶದ ಮಾನ ಹರಾಜಾಗುತ್ತದೆ, ಎಂದು ಹೇಳಿದ್ದಾರೆ.
