ಜಯಲಲಿತಾ ಆರೋಗ್ಯದ ವದಂತಿ ಕೇಳಿ ಎಐಡಿಎಂಕೆ ಕಾರ್ಯಕರ್ತ ಸಾವು
ಸೋಮವಾರ, 3 ಅಕ್ಟೋಬರ್ 2016 (11:29 IST)
ತಮಿಳುನಾಡು ಮುಖ್ಯಮಂತ್ರಿ ಜೆ. ಜಯಲಲಿತಾ ಅವರ ಆರೋಗ್ಯದ ಬಗ್ಗೆ ವದಂತಿ ಕೇಳಿ ಅವರ ಪಕ್ಷದ ಕಾರ್ಯಕರ್ತ ಹೃದಯಾಘಾತಕ್ಕೀಡಾಗಿ ಸಾವನ್ನಪ್ಪಿದ್ದಾನೆ.
ಮೃತನನ್ನು 47 ವರ್ಷದ ಮುತ್ತುಸ್ವಾಮಿ ಎಂದು ಗುರುತಿಸಲಾಗಿದೆ. ಈತ ಚೆನ್ನೈನ ವಿಮಾನ ನಿಲ್ದಾಣ ಪ್ರದೇಶದ ನಿವಾಸಿಯಾಗಿದ್ದು ಎಐಡಿಎಂಕೆ ಕಾರ್ಯಕರ್ತರಾಗಿದ್ದ. ಜಯಲಲಿತಾ ಅವರ ಕಟ್ಟಾ ಬೆಂಬಲಿಗರಾಗಿದ್ದ ಮುತ್ತುಸ್ವಾಮಿ ತಮ್ಮ ನೆಚ್ಚಿನ ನಾಯಕಿಯ ಅನಾರೋಗ್ಯದ ಸುದ್ದಿ ಕೇಳಿ ಖಿನ್ನರಾಗಿದ್ದರು.
ಜಯಾ ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ಪತ್ನಿ, ಬಂಧುಗಳು ಎಷ್ಟು ಹೇಳಿದರೂ ಆತ ನೋವಿನಿಂದ ಹೊರ ಬಂದಿರಲಿಲ್ಲ ಎಂದು
ಆತನ ಸ್ನೇಹಿತ ಹೇಳಿದ್ದಾನೆ.
ಜಯಾ ಆರೋಗ್ಯದ ಬಗ್ಗೆ ಕಳೆದೊಂದು ವಾರದಿಂದ ಹಳಿದಾಡುತ್ತಿರುವ ವದಂತಿಗಳಿಂದ ಕಂಗೆಟ್ಟಿದ್ದ ಅವರು ನಿನ್ನೆ ಹೃದಯಾಘಾತಕ್ಕೊಳಗಾಗಿದ್ದಾರೆ. ತಕ್ಷಣ ಅವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಆತ ಪ್ರಾಣ ಬಿಟ್ಟಿದ್ದಾನೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
