ಮೈನಸ್‌ 25 ಡಿಗ್ರಿ ಚಳಿಯಲ್ಲಿ ಮದುವೆಯಾದ ಜೋಡಿ

ಚಳಿಯಲ್ಲಿ ಮದುವೆ

ಹಿಮಾಚಲ ಪ್ರದೇಶ : ವಧೂವರರ ಬಗ್ಗೆ ವೈಯಕ್ತಿಕ ಮಾಹಿತಿ ತಿಳಿಯದಿದ್ದರೂ ಹಿಮಾಚಲ ಪ್ರವಾಸೋದ್ಯಮ ಇಲಾಖೆ ಈ ವಿವಾಹವನ್ನು ಖಚಿತಪಡಿಸಿದೆ.  ಈ ವಿವಾಹದ ವಿಡಿಯೋವನ್ನು ತನ್ನ ಅಧಿಕೃತ ಎಕ್ಸ್‌ ಖಾತೆಯಲ್ಲಿ ಗೋ-ಹಿಮಾಚಲ ಶೇರ್‌ ಮಾಡಿದೆ. 

ಗುಜರಾತ್‌ ಮೂಲದ ಜೋಡಿಯೊಂದು ಮೈನಸ್‌ 25 ಡಿಗ್ರಿ ಉಷ್ಣಾಂಶವಿರುವ ಹಿಮಾಚಲ ಪ್ರದೇಶದ ಸ್ಪಿಟಿ ಕಣಿವೆಯಲ್ಲಿ ವಿವಾಹವಾಗುವ ಮೂಲಕ ಹುಚ್ಚು ಸಾಹಸ ಮಾಡಿದ್ದಾರೆ. ಅನಿಮಲ್‌ ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ ಮತ್ತು ರಣಬೀರ್‌ ಕಪೂರ್‌ ವಿವಾಹವನ್ನು ನೆನೆಪಿಸುವಂಥಾ ಈ ವಿವಾಹದಲ್ಲಿ , ವಧೂವರರು ಬಂದುಮಿತ್ರರ ಸಮ್ಮುಖದಲ್ಲಿ ಶಾಸ್ತ್ರೋಕ್ತವಾಗಿ ಸಪ್ತಪದಿ ತುಳಿದಿದ್ದಾರೆ.

ದೇಶಾದ್ಯಂತ ಈ ವಿಚಿತ್ರ ವಿವಾಹ ವೈರಲ್‌ ಆಗಿದ್ದು, ನೆಟ್ಟಿಗರು ವಿಭಿನ್ನ ರೀತಿಯಲ್ಲಿ ಪ್ರತಿಕ್ರಿಯೆ ನೀಡಿದ್ದಾರೆ. ಹಲವರು ಜೋಡಿಗಳ ಸಾಹಸ ಪ್ರವೃತಿಯನ್ನು ಅಭಿನಂದಿಸಿದ್ದರೆ, ಕೆಲವರು ಕೇವಲ ಪ್ರಚಾರಕ್ಕಾಗಿ ಇಂಥಾ ವಿವಾಹ ನಡೆಯುತ್ತದೆ. ವಿವಾಹದಲ್ಲಿ ಭಾಗವಹಿಸಿದವರ ಪಾಡೇನಾಗಿರಬಹುದು ಎಂದು ವ್ಯಂಗ್ಯವಾಡಿದ್ದಾರೆ.