ಭಾರತ ಏಕದಿನ ಕ್ರಿಕೆಟ್ ತಂಡದ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರ ಪತ್ನಿ ಸಾಕ್ಷಿ ಧೋನಿ ಸೇರಿದಂತೆ ನಾಲ್ವರ ಮೇಲೆ ವಾಣಿಜ್ಯ ವ್ಯವಹಾರದಲ್ಲಿ ಬಹುಕೋಟಿ ವಂಚನೆ ಮಾಡಿದ ಆರೋಪ ಕೇಳಿ ಬಂದಿದ್ದು ಎಫ್ಐಆರ್ ದಾಖಲಾಗಿದೆ. ಅರುಣ್ ಪಾಂಡೆ, ಶುಭವತಿ ಪಾಂಡೆ ಮತ್ತು ಪ್ರತಿಮಾ ಪಾಂಡೆ ಆರೋಪವನ್ನೆದುರಿಸುತ್ತಿರುವ ಇತರ ಮೂವರಾಗಿದ್ದಾರೆ.
ರಿತಿ ಎಂಎಸ್‌ಡಿ ಅಲ್ಮೊಡೆ ಪ್ರೈವೆಟ್ ಕಂಪನಿಯ ಪಾಲುದಾರರಾಗಿದ್ದ ಈ ನಾಲ್ವರು, ಅರೋರ ಅವರು 39% ಶೇರು ಹೊಂದಿರುವ ಫಿಟ್‌ನೆಸ್ ಸೆಂಟರ್‌ಗಳನ್ನೊಳಗೊಂಡ ಸ್ಪೋರ್ಟ್ಸ್ ವರ್ಲ್ಡ್ ಪ್ರೈವೆಟ್ ಲಿಮಿಟೆಡ್‌ ಕಂಪನಿಯನ್ನು ಕಳೆದ ವರ್ಷ ಖರೀದಿಸಿದ್ದರು. ನಡೆದ ವ್ಯವಹಾರದ ಪ್ರಕಾರ ಸಾಕ್ಷಿ ಮತ್ತು ಇತರ ಮೂವರು ಈ ವರ್ಷ ಮಾರ್ಚ್ ತಿಂಗಳೊಳಗೆ ಅರೋರಾಗೆ 11 ಕೋಟಿ ಪಾವತಿಸಬೇಕಿತ್ತು. ಆದರೆ ಇಲ್ಲಿಯವರೆಗೆ ತಮ್ಮ ಕೈ ಸೇರಿರುವುದು2.25ಕೋಟಿ ಮಾತ್ರ ಎಂದು ಅರೋರಾ ದೂರಿದ್ದಾರೆ.
