ಅಪ್ರಾಪ್ತೆಯ ಗರ್ಭಿಣಿ ಮಾಡಿ ಜೀವ ತೆಗೆದ ಪ್ರಿಯಕರ

ರಾಂಚಿ: ಅಪ್ರಾಪ್ತ ಯುವತಿಯ ಪ್ರೀತಿಸುವ ನಾಟಕವಾಡಿದ 18 ವರ್ಷದ ಯುವಕ ಕೊನೆಗೆ ಆಕೆ ಗರ್ಭಿಣಿಯೆಂದು ತಿಳಿದಾಗ ಜೀವ ತೆಗೆದ ಘಟನೆ ಜಾರ್ಖಂಡ್ ನಲ್ಲಿ ನಡೆದಿದೆ.

ತನ್ನ ಸ್ನೇಹಿತರ ಜೊತೆಗೂಡಿ ಹತ್ಯೆ ಮಾಡಿದ ಪ್ರಿಯಕರ ಬಳಿಕ ಆಕೆಯ ಮೃತದೇಹವನ್ನು ನದಿ ದಂಡೆಯಲ್ಲಿ ಹೂತಿಟ್ಟಿದ್ದ. ಇದೀಗ ಪ್ರಕರಣ ಬೆಳಕಿಗೆ ಬಂದಿದ್ದು, ಪೊಲೀಸರು ಪ್ರಿಯಕರ ಸೇರಿದಂತೆ ಇಬ್ಬರನ್ನು ಬಂಧಿಸಿದ್ದಾರೆ.

17 ವರ್ಷದ ಯುವತಿ ಜೊತೆ ಆರೋಪಿ ಕೆಲವು ದಿನಗಳಿಂದ ಪ್ರೀತಿ ಸಂಬಂಧ ಹೊಂದಿದ್ದ. ಇತ್ತೀಚೆಗೆ ಆಕೆ ಗರ್ಭಿಣಿಯಾಗಿದ್ದಳು. ಆದರೆ ಈ ವಿಷಯ ಯಾರಿಗೂ ಗೊತ್ತಾಗದಂತೆ ಆಕೆಯ ಗರ್ಭಪಾತ ಮಾಡಿಸಲು ಆಸ್ಪತ್ರೆಯೊಂದರ ನರ್ಸ್ ಬಳಿ ಆರೋಪಿ ಬೇಡಿಕೊಂಡಿದ್ದ. ಆಕೆ 10 ಸಾವಿರ ರೂ.ಗೆ ಬೇಡಿಕೆಯಿಟ್ಟಿದ್ದಳು. ಆದರೆ ಅಷ್ಟು ಹಣ ಹೊಂದಿಸಲಾಗದೇ ಯುವಕ ಅಸಹಾಯಕನಾದಾಗ ಯುವತಿ ತನ್ನನ್ನು ಮದುವೆಯಾಗುವಂತೆ ಬೇಡಿಕೆಯಿಟ್ಟಿದ್ದಳು. ಆದರೆ ಇದಕ್ಕೆ ಒಪ್ಪದ ಯುವಕ ಇಂತಹ ನೀಚ ಕೃತ್ಯವೆಸಗಿದ್ದಾನೆ.