ಮಮತಾ ಬ್ಯಾನರ್ಜಿ ಹತ್ಯೆಗೈಯಲು ಪತ್ರದ ಮೂಲಕ 1 ಕೋಟಿ ರೂ ಆಫರ್

ಕೋಲ್ಕತ್ತಾ: ಪಶ್ಚಮ ಬಂಗಾಳದ ಸಿಎಂ ಮಮತಾ ಬ್ಯಾನರ್ಜಿ ಅವರನ್ನು ಹತ್ಯೆಗೈಯಲು ಆಫರ್ ನೀಡಿ ಪತ್ರವೊಂದು ತೃಣಮೂಲ ಕಾಂಗ್ರೆಸ್ ಸಂಸದರಿಗೆ ಬಂದಿರುವುದಾಗಿ ಮಾಹಿತಿ ತಿಳಿದುಬಂದಿದೆ.

ಆರಾಂಭಾಗ್ ಸಂಸದೆ ಅಪರೂಪ ಅವರ ವಿಳಾಸಕ್ಕೆ ಭಾನುವಾರ ಈ ಪತ್ರ ಬಂದಿದ್ದು, ಅದರಲ್ಲಿ ಮಮತಾ ಬ್ಯಾನರ್ಜಿ ಅವರನ್ನು ಹತ್ಯೆಗೈದರೆ 1 ಕೋಟಿ ರೂಪಾಯಿ ಕೊಡುವುದಾಗಿ ಆಫರ್ ನೀಡಲಾಗಿತ್ತು.ಅಲ್ಲದೇ  ಪತ್ರದಲ್ಲಿ ಅವರನ್ನು ಮಾಟಗಾತಿ ಎಂದು ದೂಷಿಸಲಾಗಿದೆ.

ಈ ಪತ್ರ ಪಕ್ಷದವರಲ್ಲಿ ಆತಂಕವನ್ನು ಸೃಷ್ಟಿ ಮಾಡಿದ್ದು, ಈಗಾಗಲೇ  ಈ ಪತ್ರವನ್ನು ಸೆರಾಂಪುರ ಪೊಲೀಸರಿಗೆ ನೀಡಲಾಗಿದೆ. ರಾಜೀವ್ ಕಿಲ್ಲಾ ಎಂಬುವವರ ಸಹಿ, ಮೂರು ಫೋನ್ ನಂಬರ್‌ಗಳಿರುವ ಪತ್ರದಲ್ಲಿ ಬರೆದವರ ವಿಳಾಸವನ್ನು ಸಹ ಉಲ್ಲೇಖಿಸಲಾಗಿದೆ.