ನಾಸಾ-ಇಸ್ರೋ ನಿಸಾರ್ ಉಪಗ್ರಹ: ನಭಕ್ಕೆ ಚಿಮ್ಮಿದ ನಿಸಾರ್ ಮಾಡಲಿದೆ ಈ ಅಧ್ಯಯನ

Photo Credit X

ಮುಂಬೈ: ಬುಧವಾರ ಸಂಜೆ 5.40ಕ್ಕೆ ಇಸ್ರೋದ ಜಿಯೋಸಿಂಕ್ರೊನಸ್ ಸ್ಯಾಟಲೈಟ್ ಲಾಂಚ್ ವೆಹಿಕಲ್ (ಜಿಎಸ್‌ಎಲ್‌ವಿ) -ಎಫ್16 ರಾಕೆಟ್‌ನಲ್ಲಿರುವ ನಾಸಾ-ಇಸ್ರೋ ಸಿಂಥೆಟಿಕ್ ಅಪರ್ಚರ್ ರಾಡಾರ್ (ನಿಸಾರ್) ಉಪಗ್ರಹವನ್ನು ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಲ್ಲಿರುವ ಎರಡನೇ ಉಡಾವಣಾ ಕೇಂದ್ರದಿಂದ ಯಶಸ್ವಿಯಾಗಿ ಉಡಾಯಿಸಲಾಯಿತು. 

ಇಸ್ರೋ ಮತ್ತು ನಾಸಾ ನಡುವಿನ ಮೊದಲ ಜಂಟಿ ಭೂ ವೀಕ್ಷಣಾ ಉಪಗ್ರಹವು ಭೂಮಿಯ ಪರಿಸರ ವ್ಯವಸ್ಥೆಗಳು ಮತ್ತು ನೈಸರ್ಗಿಕ ಅಪಾಯಗಳನ್ನು ಅಧ್ಯಯನ ಮಾಡುತ್ತದೆ. 

GSLV-F16 ಮಿಷನ್ GSLVಯೊಂದಿಗೆ ಸನ್ ಸಿಂಕ್ರೊನಸ್ ಪೋಲಾರ್ ಆರ್ಬಿಟ್‌ಗೆ ಮೊದಲ ಮಿಷನ್ ಆಗಿದೆ.

ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಲ್ಲಿರುವ ಎರಡನೇ ಉಡಾವಣಾ ಕೇಂದ್ರದಿಂದ ಇಸ್ರೋದ ಜಿಎಸ್‌ಎಲ್‌ವಿ-ಎಫ್ 16 ರಾಕೆಟ್‌ನಲ್ಲಿರುವ ನಿಸಾರ್ ಉಪಗ್ರಹ ಬುಧವಾರ ಯಶಸ್ವಿಯಾಗಿ ಉಡಾವಣೆಗೊಂಡಿತು. 

ಬುಧವಾರ, ಇಸ್ರೋ ತಂಡದೊಂದಿಗೆ ನಾಸಾ ತಂಡವು ಉಡಾವಣಾ ಸೌಲಭ್ಯದಲ್ಲಿ ನೆಲೆಗೊಂಡಿದ್ದರೆ, ಯುಎಸ್ ಬಾಹ್ಯಾಕಾಶ ಸಂಸ್ಥೆಯ ಮತ್ತೊಂದು 20 ಸದಸ್ಯರ ತಂಡವು ಬೆಂಗಳೂರಿನ ಮಿಷನ್ ಕಾರ್ಯಾಚರಣೆ ಸೌಲಭ್ಯವಾಗಿರುವ ಇಸ್ರೋ ಟೆಲಿಮೆಟ್ರಿ ಟ್ರ್ಯಾಕಿಂಗ್ ಮತ್ತು ಕಮಾಂಡ್ ನೆಟ್‌ವರ್ಕ್‌ನಲ್ಲಿ ಸ್ಥಾನ ಪಡೆದಿದೆ.