ಮಟ್ರೋ ನಿಲ್ದಾಣದ ಬಿಗ್ ಸ್ಕ್ರೀನ್`ನಲ್ಲಿ ಸೆಕ್ಸ್ ವಿಡಿಯೋ ಪ್ರಸಾರ.. ಬೆಚ್ಚಿಬಿದ್ದ ಪ್ರಯಾಣಿಕರು
ಶನಿವಾರ, 15 ಏಪ್ರಿಲ್ 2017 (15:46 IST)
ದೆಹಲಿಯ ರಾಜೀವ್ ಚೌಕ್ ಮೆಟ್ರೋ ಸ್ಟೇಶನ್`ನಲ್ಲಿ ಪೋರ್ನ್ ವಿಡಿಯೋ ಪ್ರಸಾರವಾದ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ದೃಶ್ಯ ಹರಿದಾಡುತ್ತಿದ್ದು, ವೈರಲ್ ಆಗಿದೆ. ಘಟನೆ ಕುರಿತಂತೆ ತನಿಖೆಗೆ ಡಿಎಂಆರ್`ಸಿ ಸಮಿತಿ ರಚಿಸಿದೆ ಎಂದು ಎಎನ್`ಐ ವರದಿ ಮಾಡಿದೆ.
ನಿಲ್ದಾಣದಲ್ಲಿದ್ದ ಪ್ರಯಾಣಿಕನೊಬ್ಬ ಬಿಗ್ ಸ್ಕ್ರೀನ್`ನಲ್ಲಿ ಪೋರ್ನ್ ವಿಡಿಯೋ ಪ್ಲೇ ಆಗುತ್ತಿದ್ದದ್ದನ್ನ ತನ್ನ ಕ್ಯಾಮೆರಾದಲ್ಲಿ ಸೆರೆಹಿಡಿದಿದ್ದಾನೆ. ಅಲ್ಲಿದ್ದ ಪ್ರಯಾಣಿಕರು ಸಹ ತಮ್ಮ ಮೊಬೈಲುಗಳಲ್ಲಿ ಇದನ್ನ ಸೆರೆಹಿಡಿದಿದ್ದಾರೆ. ಜಾಹೀರಾತುಗಳಿಗೆ ಮೀಸಲಾದ ಸ್ಕ್ರೀನ್`ನಲ್ಲಿ ವಿಡಿಯೋ ಪ್ರಸಾರವಾಗಿದೆ ಎಂದು ಡಿಎಂಆರ್ಸಿ ತಿಳಿಸಿರುವುದಾಗಿ ಎಎನ್ಐ ತಿಳಿಸಿದೆ.
ಈ ಹಿಂದೆ ಕೇರಳದ ಬಸ್ ನಿಲ್ದಾಣದಲ್ಲೂ ಇಂಥದ್ದೊಂದು ಅಚಾತುರ್ಯ ನಡೆದಿತ್ತು. ನಿಲ್ದಾಣದ ಟಿವಿ ಆಪರೇಟರ್ ನಿಯಂತ್ರಣ ಕೊಠಡಿಯಲ್ಲಿ ತಾನು ನೋಡುತ್ತಿದ್ದ ಪೋರ್ನ್ ವಿಡಿಯೋ ಕನೆಕ್ಷನ್`ನನ್ನ ನಿಲ್ದಾಣ ಟಿವಿಗಳಿಗೆ ಕೊಟ್ಟುಬಿಟ್ಟಿದ್ದ. ಬಳಿಕ ಮುಜುಗರಗೊಂಡ ಪ್ರಯಾಣಿಕರು ದೂರು ದಾಖಲಿಸಿದ್ದರು.
